ಭಾವಗೀತೆ

 ಪ್ರೀತಿ

ನನ್ನ ನಿನ್ನ ನಡುವೆ ಬಂಧ
ಕಣ್ಣ ಸಂಚು ಮಾಡಿತು
ಸಣ್ಣ ಸಣ್ಣ ನೋಟವಿಂದು
ಬಣ್ಣದರ್ಥ ಕೊಟ್ಟಿತು

ನಿನ್ನೆ ಯಾರೋ ಇದ್ದವರು
ಮುನ್ನ ಒಟ್ಟು ಸೇರಲು
ಸುಣ್ಣದಂಥ ಬಿಳಿಯ ಪ್ರೀತಿ
ಮಣ್ಣ ಮೇಲೆ ಮೂಡಲು

ಭಿನ್ನ ಭಾವ ಬದಿಗೆ ಸರಿಸಿ
ತನ್ನ ನೋವ ಬೆರೆಸಿ
ಜ್ಞಾನ ಧಾರೆ ಹೆಚ್ಚಿಸುತ್ತಾ
ಹೃಣ್ಮನಗಳ ಸೇರಿಸಿ

ರನ್ನ ಮುದ್ದು ಆತ್ಮೀಯತೆ
ಪುಣ್ಯ ಕಾರ್ಯ ಮಾಡುತ
ಹೆಣ್ಣ ಜನ್ಮ ಸಾರ್ಥಕ್ಯದ
ಹೊನ್ನ ಭಾವ ಮೂಡುತ
@ಹನಿಬಿಂದು@
06.12.2025

ಅಮ್ಮ

ಅಮ್ಮ

ಆಕಾಶದ ಎತ್ತರಕ್ಕೆ ಬೆಳೆಯಬಹುದೇ ಯಾರಾದರೂ

ಅದು ನೀನೇ... ನೀನೇ..ತೋರಿಸಿರುವೆ ಖದರು...

ಮರುಗಿರಲಿ ಕೊರಗಿರಲಿ ಬೆಂದು ಬಾಡಿರಲಿ

ಒಳಗೊಳಗೇ ನೋವ ನುಂಗಿ ಮುಖದ ನಗುವಿನಲಿ

ಹಗಲು ರಾತ್ರಿ ದುಡಿದು ಗಳಿಸಿ ಮಕ್ಕಳಿಗಾಗಿ

ಕೈ ಕಾಲನು ಸವೆಸಿ ಕಠಿಣ ಪರಿಶ್ರಮಿಯಾಗಿ

ನೀನೆಂದರೆ ದೇವಿ ನೀನೆಂದರೆ ಮಾಯೆ 

ನಿನ್ನುಸಿರೇ ನಮ್ಮ ದಾರಿ ದೀಪ ಛಾಯೆ..

ನನ್ನುಸಿರಲಿ ನಿನ್ನಿಸಿರಿದೆ ನನ್ನ ಬಾಳು ನೀನೇ

ರಕ್ತವೂ... ಮಾಂಸವೂ.. ಎಲ್ಲವೂ ನಿನ್ನದೇ

ತಟ್ಟಿದ ಮೈ ಮನಗಳು ಬೆಳೆದಿವೆ ನಿನ್ನಿಂದಲೇ..

ಬೇರು ನಿನ್ನಲಿ ಇಳಿದು ಹೋಗಿದೆ ಮಗುವಿಂದಲೇ

ನೀನಿದ್ದರೆ ನನಗೆ ಬಲ ನಿನ್ನಿಂದಲೇ ನನಗೀ ಛಲ

ನೀನಿದ್ದರೆ ದೈವೀ ಕಳೆ ನಾನೇನೇ ನಿನ್ನ ಬೆಳೆ 

ಈ ಹಾಡು ನಿನಗಾಗಿ.  ಒಡೆದ ಕೈ ಕಾಲಿಗಾಗಿ 

ಕಷ್ಟದ ಬೆನ್ನತ್ತಿರುವ ನಿನ್ನೀ ನೋವಿಗಾಗಿ

@ಹನಿಬಿಂದು@

07.11.2025

ತುಳು

ಮಣೆ 

ನೆಲಟ್ಟ್ ಕುಲ್ಲು ಪಂದ್ ಪಂಡ ಬಿನ್ನಗ್ ಅತ್ತ್‌ಗೆ ಮಲ್ಲ ಮರ್ಯಾದಿ 

ಅವ್ವೇ ಬತ್ತಿನಾಯಗ್ ಕುಲ್ಲೆರೆ ಮಣೆ ಕೊರುಂಡ ಅವ್ವೆಗೆ ಪಿರಾಕ್ದ ಜನಕ್ಲೆ ಮರ್ಯಾದಿ

ಬತ್ತಿ ಕೂಡ್ಲೆ ಚಾ ತಿಂಡಿ ಅತ್ತ್ ಕೊರಿಯೆರೆ

ಒಂಜಿ ಗ್ಲಾಸ್ ನೀರ್ ಬೆಲ್ಲದ ತುಂಡು ತಿನಿಯರೆ! 

@ಹನಿಬಿಂದು@

05.12.2025

ಚಳಿಯ ಕಚಗುಳಿ

ಜಡೆಗವನ

ಚಳಿಯ ಕಚಗುಳಿ

ಚಳಿಯೇ ನೀನೆಲ್ಲಿದ್ದೆ ನನ್ನ ಎಬ್ಬಿಸಿ ತಟ್ಟಲು

ತಟ್ಟುತ್ತಾ ಮಲಗಿಸಿದರೂ ತಾಯಿ ಚಳಿ ಬಿಡದು

ಬಿಡದೆ ಕಾಡುತಿಹೆ ನೀ ನನ್ನ ಬೇತಾಳನಂತೆ ಇಂದು 

ಇಂದಿಲ್ಲಿ ನಾಳೆ ಅದೆಲ್ಲಿಗೆ ನಿನ್ನ ಸವಾರಿ ದೊರೆಯೇ

ದೊರೆ ಮಗನೂ ಹೆದರುವನು ನಿನ್ನೀ ಆರ್ಭಟಕೆ

ಆರ್ಭಟ ಮಿಂಚು ಮಳೆ ಗುಡುಗಿಲ್ಲದೆ ನೀ ಕೊರೆವೆ

ಕೊರೆದು  ಗಡ್ಡ ಮನ ಮೈ ಕೈಯ ನಡುಗಿಸುವೆ

ನಡುಗುವ ಕೈಗಳಿಂದ ನಾನೆಂದೂ ಬರೆಯಲಾರೆ

ಬರೆಯಬಿಡು ಚಳಿಯೇ ನೀ ದೂರ ಓಡಿಬಿಡು

ಓಡುತ್ತಾ ಹೋದೇಯ ಮತ್ತೆ!  ಸ್ವಲ್ಪ ಇಲ್ಲೇ ಇರು ಬಿಸಿಲ ಧಗೆ ತಾಳಲಾರೆ

ತಾಳು ತಾಳು ಮಳೆಯೂ ಬೇಕು, ನೀನೂ ಬೇಕು

ಬೇಕಾಗಿರುವುದು ಏಕೆಂದರೆ ಗಿಡ ಮರಗಳ ಹೂವು ಅರಳಿಸಿ ಹಣ್ಣು ತರಿಸಲು!!!

@ಹನಿಬಿಂದು@

01.12.2025

ಡಿಸೆಂಬರ್ 22: ರಾಷ್ಟ್ರೀಯ ಗಣಿತ ದಿನ

ಜಗತ್ತಿನ ಹಬ್ಬ

ಒಮ್ಮೆ ಒಂದು ಶಾಲೆಯಲ್ಲಿ ಮಕ್ಕಳು ಆಟವಾಡುತ್ತಿದ್ದರು. ಹಠಾತ್ತಾಗಿ ಶಿಕ್ಷಕಿ ಎಲ್ಲರನ್ನು ಕರೆದರು.
“ಮಕ್ಕಳೇ, ನಾಳೆ ನಮ್ಮ ಶಾಲೆಯಲ್ಲಿ ರಾಷ್ಟ್ರೀಯ ಗಣಿತ ದಿನ ಆಚರಣೆ ಇದೆ,” ಎಂದರು.

ಎಲ್ಲ ಮಕ್ಕಳು ಆಶ್ಚರ್ಯದಿಂದ ಒಬ್ಬರನ್ನೊಬ್ಬರು ನೋಡಿಕೊಂಡರು.
“ಗಣಿತ ದಿನವೂ ಇದೆಯಾ, ಮ್ಯಾಡಂ?” ಎಂದು ರವಿ ಕೇಳಿದ.
“ಹೌದು ರವಿ,” ಅಂದರವರು ನಗುತ್ತಾ. “ಇದು ಸಾಮಾನ್ಯ ದಿನ ಅಲ್ಲ. ಭಾರತೀಯ ಗಣಿತ ಲೋಕಕ್ಕೆ ಕೀರ್ತಿ ತಂದುಕೊಟ್ಟ ಶ್ರೀನಿವಾಸ ರಾಮಾನುಜನ್ ಅವರ ಜನ್ಮದಿನ.”

ಎಲ್ಲರೂ ಕುತೂಹಲದಿಂದ ಅವರ ಮಾತನ್ನು ಕೇಳತೊಡಗಿದರು.

ಗಣಿತ ಎಂದರೆ ಏನು?

ಮ್ಯಾಡಂ ಹೇಳಿದರು:
“ನಿಮ್ಮಾರಿಗಂತೂ ಗಣಿತ ಅಂದರೆ ಪಾಠಪುಸ್ತಕ, ಲೆಕ್ಕ, ಪರೀಕ್ಷೆ… ಆದರೆ ಗಣಿತ ಪ್ರಕೃತಿಯ ಭಾಷೆ.
ಹೂವುಗಳು ಹೇಗೆ ಅರಳುತ್ತವೋ, ನಕ್ಷತ್ರಗಳು ಹೇಗೆ ಚಲಿಸುತ್ತವೋ—ಅದರ ಎಲ್ಲಲ್ಲಿ ಗಣಿತ ಅಡಗಿದೆ.”

ಮಕ್ಕಳು ಕಿಟಕಿಯ ಹೊರಗೆ ಹೂವುಗಳ ಮೇಲೆ ತಿರುಗುತ್ತಿದ್ದ ಚಿಟ್ಟೆಗಳನ್ನು ನೋಡಿ, “ಇದರಲ್ಲಿ ಗಣಿತ ಇದೆಯಾ?” ಎಂದು ಆಸಕ್ತಿಯಿಂದ ಕೇಳಿದರು.
“ಹೌದು,” ಮ್ಯಾಡಂ ಹೇಳಿದರು, “ಚಿಟ್ಟೆಗಳ ರೆಕ್ಕೆಗಳ ವಿನ್ಯಾಸಕ್ಕೂ ಗಣಿತದ ಒಪ್ಪಂದವಿದೆ!”

ಹಳೆಯ ಕಾಲದ ಗಣಿತಜ್ಞರು

ಶಿಕ್ಷಕಿ ಕಥೆಯಂತೆ ಹೇಳತೊಡಗಿದರು:

“ಬಹಳ ವರ್ಷಗಳ ಹಿಂದೆಯೇ ಭಾರತದಲ್ಲಿ ಆರ್ಯಭಟ, ಭಾಸ್ಕರಾಚಾರ್ಯ, ಮಹಾವೀರಾಂತಹ ಮಹಾನ ಗಣಿತಜ್ಞರು ಬದುಕಿದ್ದರು.
ಆರ್ಯಭಟರು ಪೈ ಎಂಬ ಸಂಖ್ಯೆಯ ಮೌಲ್ಯವನ್ನು ತಿಳಿಸಿದರು. ಭಾಸ್ಕರಾಚಾರ್ಯರ ‘ಲೀಲಾವತಿ’ ಎಂಬ ಪುಸ್ತಕದಲ್ಲಿ ತುಂಬಾ ಸುಲಭವಾಗಿ ಗಣಿತದ ಪ್ರಶ್ನೆಗಳು ಇವೆ.
ಅವರು ಮಾಡಿದ ಕೆಲಸಗಳು ಇಂದಿಗೂ ನಾವು ಬಳಸುವ ವಿಜ್ಞಾನಕ್ಕೆ ಬೇಸು.”

ಮಕ್ಕಳ ಕಣ್ಣುಗಳು ಇನ್ನಷ್ಟು ಚುರುಕಾಗಿದವು.
“ಏನು ಮ್ಯಾಡಂ! ಇಷ್ಟು ವರ್ಷಗಳ ಹಿಂದೆ ಅವರು ಇದನ್ನೆಲ್ಲಾ ಕಂಡುಹಿಡಿದಿದ್ರಾ?” ಎಂದು ಆಶ್ಚರ್ಯಪಟ್ಟರು.

ರಾಮಾನುಜನ್ – ಸಂಖ್ಯೆಗಳ ಮಂತ್ರಿಕ

ಮ್ಯಾಡಂ ಮುಂದುವರಿಸಿದರು:

“ಇವೆಲ್ಲರಿಗೂ ಮೇಲೆ, ಕೇವಲ 32 ವರ್ಷ ಬದುಕಿದರೂ ಗಣಿತ ಲೋಕದಲ್ಲಿ ಅಚ್ಚರಿ ಮೂಡಿಸಿದ ಒಬ್ಬ ವಿಸ್ಮಯ ಪ್ರತಿಭೆ ಇದ್ದ.
ಅವರ ಹೆಸರು–ಶ್ರೀನಿವಾಸ ರಾಮಾನುಜನ್.”

ಮಕ್ಕಳು ಆ ಹೆಸರನ್ನು ಮರುಮರು ಉಚ್ಛರಿಸಿದರು.

“ರಾಮಾನುಜನ್ ಬಡ ಕುಟುಂಬದವರು. ಆದರೆ ಅವರಿಗೆ ಸಂಖ್ಯೆಗಳು ಸ್ನೇಹಿತರಂತೆ.
ಬೀದಿ ದೀಪದ ಬೆಳಕಿನಲ್ಲೂ ಕುಳಿತು ಅವರು ಪ್ರಶ್ನೆಗಳನ್ನೇ ಪರಿಹರಿಸುತ್ತಿದ್ದರು.
ಗಣಿತ ಪುಸ್ತಕಗಳು ಕಡಿಮೆ ಇದ್ದರೂ ತಮ್ಮದೇ ಯೋಚನೆಯಿಂದ ಸಾವಿರಾರು ಹೊಸ ಸೂತ್ರಗಳನ್ನು ರಚಿಸಿದರು.”

ರವಿ ಕುತೂಹಲದಿಂದ ಕೇಳಿದ:
“ಮ್ಯಾಡಂ, 1729 ಅನ್ನೋ ಸಂಖ್ಯೆ ವಿಶೇಷ ಅಂತ ಹೇಳ್ತಾರೆ. ಯಾಕೆ?”

ಮ್ಯಾಡಂ ನಗು ತಡೆದುಕೊಳ್ಳಲಾಗದೆ ಹೇಳಿದರು:
“ಹಾರ್ಡಿ ಎಂಬ ಗಣಿತಜ್ಞರು ಆಸ್ಪತ್ರೆಯಲ್ಲಿ ತುಂಬಾ ಅಸ್ವಸ್ಥರಾಗಿದ್ದ ರಾಮಾನುಜನ್ ಅವರನ್ನು ಭೇಟಿ ಮಾಡಲು ಬಂದರು.
‘ನಾನು ಬಂದ ಟ್ಯಾಕ್ಸಿಯ ಸಂಖ್ಯೆ 1729; ಅದರಲ್ಲಿ ಯಾವುದೇ ವಿಶೇಷತೆ ಇಲ್ಲ’ ಎಂದು ಹೇಳಿದರು.
ಅಷ್ಟರಲ್ಲಿ ರಾಮಾನುಜನ್ ತಕ್ಷಣ ಉತ್ತರಿಸಿದರು:
‘ಅದು ವಿಶೇಷ ಸಂಖ್ಯೆ ಸಾರ್! ಅದು ಎರಡು ವಿಭಿನ್ನ ರೀತಿಯಲ್ಲಿ ಎರಡು ಘನಗಳ ಮೊತ್ತವಾಗಿ ಬರಬಹುದಾದ ಅತಿ ಚಿಕ್ಕ ಸಂಖ್ಯೆ!’
ಅವರು ಅಸ್ವಸ್ಥರಾಗಿದ್ದರೂ ಸಂಖ್ಯೆಗಳ್ಳಿಗೆ ಇಷ್ಟು ಸ್ಪಷ್ಟವಾಗಿ ಯೋಚಿಸಿದ್ದರು.”

ಮಕ್ಕಳು ಆಶ್ಚರ್ಯದಿಂದ ಬಾಯ್ಬಿಟ್ಟೇ ಕುಳಿತುಬಿಟ್ಟರು.

 

ಗಣಿತ ಎಲ್ಲೆಲ್ಲಿ ಇದೆ? 

 ಮೇಡಂ ಹೇಳಿದರು:

“ಮಕ್ಕಳೇ, ಗಣಿತ ಕೇವಲ ಲೆಕ್ಕವಲ್ಲ.
ನಿಮ್ಮ ಆಟದ ಚೆಂಡಿನ ಗೋಳಾಕೃತಿ,
ನಿನ್ನ ಮನೆಗೆ ಹೋಗುವ ರಸ್ತೆಯ ನೇರತೆ,
ನೀವು ದಿನವೂ ತಿನ್ನುವ ಹಣ್ಣಿನ ಬೀಜಗಳ ವಿನ್ಯಾಸ—ಎಲ್ಲವೂ ಗಣಿತವನ್ನು ಮಾತನಾಡುತ್ತವೆ.

ಮೊಬೈಲ್, ಕಂಪ್ಯೂಟರ್, ಜಿಪಿಎಸ್… ಇವೆಲ್ಲವೂ ಗಣಿತದಿಂದಲೇ ಸಾಧ್ಯ.”

ಈ ದಿನದ ಉದ್ದೇಶ

“ನಮ್ಮ ದೇಶದಲ್ಲಿ 2012ರಿಂದ ಈ ದಿನವನ್ನು ವಿಶೇಷವಾಗಿ ಆಚರಿಸಲಾಗುತ್ತಿದೆ,” ಮ್ಯಾಡಂ ಹೇಳಿದರು.

“ಈ ದಿನದ ಉದ್ದೇಶ:
– ಗಣಿತದ ಭಯವನ್ನು ಕಡಿಮೆ ಮಾಡುವುದು
– ಗಣಿತವನ್ನು ಆನಂದದಿಂದ ಕಲಿಸುವುದು
– ರಾಮಾನುಜನ್ ಅವರ ಸಾಧನೆಯನ್ನು ನೆನಪಿಸುವುದು
– ಹೊಸ ಪ್ರತಿಭೆಗಳನ್ನು ಬೆಳೆಸುವುದು”

ಮಕ್ಕಳು ತಕ್ಷಣ ಚಪ್ಪಾಳೆ ಹೊಡೆದು, “ನಾವು ಕೂಡಾ ಗಣಿತವನ್ನು ಹೊಸದಾಗಿ ಕಲ್ತೀನಿ ಮ್ಯಾಡಂ!” ಎಂದು ಹೇಳಿದರು.

ಶಿಕ್ಷಕಿ ಹೇಳಿದ ಕಥೆ ಎಲ್ಲ ಮಕ್ಕಳ ಮನಸ್ಸಿಗೂ ತಾಕಿತು.
ಗಣಿತ ಅಂದರೆ ಕಷ್ಟವಲ್ಲ, ಕುತೂಹಲ.
ಗಣಿತ ಅಂದರೆ ಒಣ ಅಂಕೆಗಳು ಅಲ್ಲ; ಪ್ರಕೃತಿ, ಕಲ್ಪನೆ, ಮತ್ತು ಸಮಸ್ಯೆ ಪರಿಹರಿಸುವ ಕಲೆ.

ಡಿಸೆಂಬರ್ 22 ಅವರುಗಳಿಗೆ ಕೇವಲ ಒಂದು ದಿನವಲ್ಲ;
ಸಂಖ್ಯೆಗಳ ಲೋಕವನ್ನು ಹೊಸ ಕಣ್ಣಿನಿಂದ ನೋಡಲು ಶುಭಾರಂಭವಾಗಿದೆ.

ಇಂದು

ಇಂದು

ಒಂದು ಎರಡು ಸಾಲದು
ಬಂದು ಬರಡು ಆಗದು
ಸಿಂಧುವಿನ ಚಿಲುಮೆಯಿದು
ಮುಂದೆ ದಾರಿ ತಿಳಿಯದು

ನಂದು ನಿಂದು ಬಗೆಯದು
ಸಂದು ಗೊಂದು ತುಂಬದು
ಕಂದು ಬಣ್ಣ ಕಾಫಿಯದ್ದು
ಮಿಂದು ಆರೋಗ್ಯವೆಂದೂ ಕೆಡದು

ಗೊಂದು ಅಂಟಿ ಬಿಡುವುದು
ನೊಂದು ಸಾವು ಸಲ್ಲದು
ತಂದು ಸುರಿದು ಮುಗಿಯದು
ದುಂದು ವೆಚ್ಚ ಮಾಡಬಾರದು

ಬಂದು ನೋಡು ತಿಳಿವುದು
ಬಿಂದು ಇಲ್ಲದೆ ಏನಿಹುದು
ಮಂದ ಬುದ್ಧಿ ಇರಬಾರದು
ಅಂದು ಬದುಕು ನಿರಾಳವಿಹುದು

ಅಂದುಕೊಂಡೆ ಬಾಳುತಿಹುದು
ಇಂದು ಜನರ ಜ್ಞಾನ ಬೆಳೆದು
ಹಿಂದು ಮುಂದು ಗಮನಿಪುದು
ಎಂದೂ ಬುದ್ದಿ ಬಳಸುವುದು
@ಹನಿಬಿಂದು@
29.11.2025

ಭಾವಗೀತೆ

ಭಾವಗೀತೆ

ಕೃಷಿಯನು ಮೆರೆಸೋಣ

ಕತ್ತಿಯ ಹಿಡಿದು ರುಮಾಲು ಸುತ್ತಿ
ಗದ್ದೆಗೆ ಹೋಗೋಣ ನಾವು...
ಗದ್ದೆಗೆ ಹೋಗೋಣ...
ಹಾಡನು ಹಾಡುತ ಹಸಿರಿಗೆ ನಮಿಸುತ
ಪೈರನು ಕೊಯ್ಯೋಣ..ನಾವು
ಕಟಾವು ಮಾಡೋಣ//ಪ//

ಆಹಾರ ಬೆಳೆಸಿ ಆರೋಗ್ಯ ಉಳಿಸುವ
ಕಾರ್ಯಕೆ ಸಾಗೋಣ ಕೃಷಿಯ..
ಕಾರ್ಯಕೆ ಸಾಗೋಣ
ಅಣ್ಣ ಅಕ್ಕ ಬನ್ನಿರಿ ಎಲ್ಲರೂ
ಕೃಷಿಯನು ಉಳಿಸೋಣ
ರೈತನೆ ದೇಶದ ಬೆನ್ನೆಲುಬೆಂದು
ಸಹಾಯ ಮಾಡೋಣ... ರೈತಗೆ
ಸಹಾಯ ಮಾಡೋಣ...//೧//

ಪೈರನು ಬಡಿಯುತ ಭತ್ತವು ಬೀಳಲು
ರಾಶಿಯ ಮಾಡೋಣ ನಾವು...
ರಾಶಿಯ ಮಾಡೋಣ
ಕೈಗಳು ಸೇರಲು ಕೆಲಸವು ಹಗುರ
ಒಂದಾಗಿ ದುಡಿಯೋಣ
ನಾಡಿಗೆ ಅನ್ನವನೀಯುವ ಕಾರ್ಯವ
ಸರ್ವರೂ ಮಾಡೋಣ..ನಾವೆಲ್ಲಾ
ಸರ್ವರೂ ಮಾಡೋಣ..//೨//

ಜೈ ಜೈ ಘೋಷವ ಹಾಡುತ ನಾವು
ಒಟ್ಟಾಗಿ ಬಾಳೋಣ ನಾವು...
ಒಟ್ಟಾಗಿ ಬಾಳೋಣ
ಭಾರತ ಮಾತೆಯ ಮಕ್ಕಳು ಎನುವ
ಭಾವವ ಹೊಂದೋಣ
ಜಾತಿ ಮತ್ಸರ ದೂರವೇ ಇರಿಸಿ
ಕೃಷಿಯನು ಮೆರೆಸೋಣ...ನಾಡಿನ
ರೈತಗೆ ನಮಿಸೋಣ..//೩//
@ಹನಿಬಿಂದು@
03.11.2025