ಗಝಲ್

ಗಝಲ್

ರವಿಯ ಸುತ್ತ ಭ್ರ ಬುವಿಯದು , ಒಲವು ಇರುವುದು ಹೀಗೆಯೇ

ಕವಿಯ ಮನದ ಭಾವ ಬೆಳೆವುದು ಸ್ನೇಹ ಬರುವುದು ಹೀಗೆಯೇ..

ಹನಿ ಹನಿಯೂ ತೊಟ್ಟಿಕ್ಕುತ್ತಿದೆ ಧಾರೆಯಾಗಿ ರಭಸದಲಿ

ಮಿನಿ ಬಯಕೆ ಗರಿ ಬಿಚ್ಚಿ ಹಾರಿ ನಲಿವುದು ಹೀಗೆಯೇ..

ಮರೆತು ಕೂಡಾ ಮರೆಯಲಾರದ ನಾನು - ನೀನಿನ ಜಗವಿದು

ಮೌನದಲೂ ಮಾತು, ನೋಟದಲೂ ಅರ್ಥವಾಗುವುದು ಹೀಗೆಯೇ..

 

ಬೇಕೆಂದರೂ ಸಿಗದ, ದಕ್ಕಿದ್ದನ್ನು ಒಪ್ಪದ ಲೋಕವಿದು

ನಿಜ ಪ್ರೀತಿಗೆ ಸರ್ವ ಹೃದಯಗಳು ತಲೆ ಬಾಗುವುದು ಹೀಗೆಯೇ..

ಬಾಎಂದರೂ ಕೈಗೆ ಸಿಗದ ಮಹಾ ಕಳ್ಳನ ಮನವಿದು

ತಾ ಎನಲು ಹಗಲು ರಾತ್ರಿ ಮೋಹದ ಮೂಟೆ ಕೊಡುವುದು ಹೀಗೆಯೇ..

ಪ್ರೇಮದ ಜಾಗದಲಿ  ಅನುಮಾನವೇ ತುಂಬಿದೊಡೆ ಇಂಬುಂಟೆ ನಿಜದಲಿ

ಭ್ರಮೆಯ ಕ್ಷಣದ ನಶೆಯಲಿ ಬಿದ್ದು ಏಳಲಾಗದ್ದು ಹೀಗೆಯೇ..

@ಪ್ರೇಮ್@

31.10.2021

ನಾ ನೀ

ನೀನೆನಗೆ ನಾ ನಿನಗೆ

ನಿನ್ನಿಂದ ನನ್ನ ನಗೆ

ನೀನೆನ್ನನೇನನ್ನೆ

ನಾ ನಿನ್ನನೇನನ್ನೆ?

ನೀನಿಲ್ಲದೆ ನಾನುಂಟೆ?

ನಾನಿಲ್ಲದೆ ನೀನುಂಟೆ?

ನಿನ್ನ ನನ್ನೊಳಗೆ 

ನನ್ನದೆಂಬ ಮಾತುಂಟೆ?

ನಾನಾರು, ನೀನಾರು

ನಾ ನೀನೇ, ನೀ ನಾನೇ

ನಮ್ಮೊಲವ ನವಿರೊಳಗೆ

ನಾವಿಬ್ಬರೂ ನಾವಲ್ಲವೇ?

@ಪ್ರೇಮ್@

29.10.2021

ಮದುವೆ

ಮದುವೆ

ಮುದ್ದು ಮುದ್ದು ಮಾತನಾಡಿ ಮೊದಲು ಗಾಳ ಹಾಕುವೆ

ಕದ್ದು ಕದ್ದು ಮಾತನಾಡಿ ಜೋಡಿ ಆಗು ಎನ್ನುವೆ

ಸದ್ದು ಸುದ್ದಿ ಇಲ್ಲದೇನೆ ಬಲೆಯ ಬೀಸಿ ಎಸೆಯುವೆ

ಪೆದ್ದು ನಾನು ನಿನ್ನ ಪ್ರೇಮ ಜಾಲದಲ್ಲಿ ಬೀಳುವೆ

ಒಂದು ದಿನವು ನಿಗದಿ ನಮ್ಮ ಮದುವೆ ಎಂಬ ಬಂಧಕೆ

ಬಂಧು ಬಳಗವನ್ನು ತೊರೆದು ಗಂಡನ ಮನೆ ಸೇರಲಿಕ್ಕೆ

ಹೆಣ್ಣು ಮನೆಯ  ಗೃಹಿಣಿಯಾಗಿ ಗಂಡು ಕೂಡಿ ಗೃಹಸ್ಥ

ಇಬ್ಬರೂನು ಸೇರಿದರೆ ಮನೆಯವರೆಲ್ಲಾ ಸ್ವಸ್ಥ!

ನನಗೆ ನೀನು ನಿನಗೆ ನಾನು ಎನುವ ಭಾವ ಬೇಕು

ನಾನೇ ನಾನು ನೀನೇ ನೀನು ಎನುವುದ ಬಿಡ ಬೇಕು

ತ್ಯಾಗ ಪ್ರೇಮ ನಂಬಿಕೆಯೇ ಮದುವೆಯ ಒಳಗುಟ್ಟು

ಎರಡು ಕುಟುಂಬ ಕೂಡಿಸುವುದು ಬದುಕಿನ ಚೌಕಟ್ಟು!

ಗಂಡು ಹೆಣ್ಣು ಇಬ್ಬರೂನು ನಾಣ್ಯದ ಮುಖವೆರಡು..

ಹೊಂದಿಕೊಂಡು ಬಾಳುತಿರಲು ಕುಟುಂಬ ಆಗದು ಎರಡೆರಡು!

ಮಕ್ಕಳಲ್ಲಿ ಕೊಂಡಿಗಳು ಬೆಸೆಯೆ ಭಾವ ಬಂಧ

ರಂಗವಲ್ಲಿಯಂತೆ ಇಲ್ಲು ಬಣ್ಣದ ಬದುಕುಂಟು!

ಸುಖವೂ ಕಷ್ಟವೂ ಬರುತಲಿಹುದು ಪರೀಕ್ಷೆ ಮಾಡೆ ಸತತ

ಹಿಗ್ಗದಂತೆ ಕುಗ್ಗದಂತೆ ಬಾಳಬೇಕು ಅನವರತ..

@ಪ್ರೇಮ್@

24.10.2021

ಮನ

ಮನ

ಬಾ ಬಾ ಮನದಲಿ ನೋಡುವ ಬಯಕೆಯು

ತಾ ತಾ ಪ್ರೀತಿಯ ಮೊಗೆಯುವ ತವಕವು

ಕಾ ಕಾ ಕರೆಯುವ ಕಾಗೆಯ ಮಿಡಿತವು

ಅ ಆ ಕಲಿಯುವ ಮಗುವಿನ ಹೃದಯವು

ಮಾ ಮಾ  ಎನ್ನುತ ಅಳುವ ಮಗುವಂತೆ

ಯಾ  ಯಾ  ಎನ್ನುವ ಬಂಧುವಿನ ಪ್ರೀತಿಯಂತೆ

ವಾ  ವಾ ಎನ್ನುವ ಗೆಳೆಯರ ಉತ್ಸಾಹ

ನೀ ನೀ ಎನ್ನುವ ಸಹಪಾಠಿಗಳ ಪ್ರೋತ್ಸಾಹ

ಕೋ ಕೋ  ಕರೆಯುವ ಪಕ್ಷಿಯ ತುಡಿತವು

ಕೀ ಕೀ ಮರಿಯ ನಂಬಿಕೆ ಸೆಳತವು

ಹಾ ಹಾ  ನಗುವಿನ ಮಧುರತೆ ನಿರತವು

ಓ  ಓ  ಕರೆಯುವ ಅಮ್ಮನ ಪಾತ್ರವು..

@ಪ್ರೇಮ್@

23.10.2021

ನಿವೇದನೆ

ನಿವೇದನೆ

ನಿನ್ನ ಇಂಚಿಂಚೂ ಬಿಡದೆ ಅನುಭವಿಸೋ ಆಸೆ

ನನ್ನ ಮೇಲೆ ನಿನ್ನ ಮಲಗಿಸಿ ನಿನ್ನ ತುಟಿಯ ಮಧು ರಸವ ಹೀರಿ ಸವಿಯುವ ದುಂಬಿಯಾಗುವ ಕನಸು

ಬಾ ಎನ್ನೆದೆಗೆ ಒರಗಿ ನನ್ನೊಡಲ ಹೊಕ್ಕು ನನ್ನೊಲವಿನಾಳದ ಸವಿ ತಿನಿಸ ಸವಿಯ ಬಾರೆ ನನ್ನೊಲವೆ

ನಿನ್ನುಸಿರ ಬಿಸಿಯ ಅಪ್ಪುಗೆಯ ಆನಂದದಲಿ ಮೈ ಮರೆಯುವಾಸೆ ಮನವೇ

ನಿನ್ನ ಕಣ್ಣಿನೊಳಗೆ ಹಚ್ಚಿರುವ ಕಾಡಿಗೆಯಾಗಿ ಕಣ್ಣಿನಂದವ ಹೆಚ್ಚಿಸಿ ಸದಾ ನಿನ್ನ ಕಣ್ಣಿನ ಆಳದಲ್ಲಿ ಕೂರುವ ಬಯಕೆ ಗೆಳತೀ

ನಿನ್ನ ಹೃದಯದಲಿ ಗೂಡು ಕಟ್ಟಿ ನಿನ್ನ ಮನದಾಳದಲ್ಲಿ ಮನೆಯ ಮಾಡಿ ಹಾಯಾಗಿ ಬದುಕೋ ಆಸೆ ಚೆಲುವೆ

ನಿನ್ನ ಪ್ರತಿ ರಕ್ತದ ಕಣವಾಗುವ ಬಯಕೆ ಮುದ್ದು

 ನಿನ್ನಾ ಜೀವಕೋಶದ ಕಣ ಕಣಗಳಲೂ ಹರಿಯುವಾಸೆ

ನರ ನಾಡಿಗಳಲ್ಲಿ ಸೇರಿ ನಿನ್ನೊಂದಿಗೆ ನೀನಾಗಿ ಐಕ್ಯವಾಗ ಬೇಕು ಮಯೂರಿ

ನಿನ್ನ ಮೆದುಳ ಹೊಕ್ಕು ನಿನ್ನ ಆಲೋಚನೆಯ ಬೇರಾಗಬೇಕು ನಾನು

ನೀ ಹೊರ ಬಿಡುವ ಗಾಳಿಯ ಬಿಸಿ ನಾನಾಗಬೇಕು ತನುವೇ

 ನಿನ್ನೊಡಲ ಸೇರುವ ಪ್ರತಿ ಆಹಾರದ ತುಣುಕು ನಾನಾಗಬೇಕು ಮನವೇ

ನಿನ್ನಂತರಾಳದ ನೆನಪುಗಳ ಚಿಟ್ಟೆಯಾಗಿ ನಾ ಹಾರಾಡಬೇಕು  ಒಲವೇ

 ಜೊತೆಯಾಗಿ ಹಿತವಾಗಿ ನಿನ್ನೊಂದಿಗೆ ನಾ ಲೀನವಾಗಬೇಕು ಹೃದಯವೇ

ನಿನ್ನ ಪ್ರತಿ ಹಾಡಿನ ರಾಗವಾಗಿ ನಾ ನಿನ್ನ ಗಂಟಲೊಳಗೆ ಠಿಕಾಣಿ ಹೂಡಬೇಕು ಲಯವೇ

ಸ್ವರವಾಗಿ ಶ್ರುತಿಯಾಗಿ ನಾನಿರಬೇಕು ಪ್ರೀತಿಯೇ..

@ಪ್ರೇಮ್@

21.10.2021

your words

Your words

Your words cool my mind

Fill pleasure in my little heart

Not only genious and kind

But also pleasure apart!

Feeling of nearer and nearer

So eager to read and hear 

Cooling without any cooler

Cute and neat everytime  to bear!

Marvelous chill and peace to brain

New feeling hard to explain

Words are less in the ocen of love

No any amount of patience to withdraw..

Make me sail in the sea of your words

Shake me in the truth of your curds

Dip me in the tree of your hopes

Sip me in the gap of your times!

@Prem@

19.10.2021

ಗಝಲ್

ಗಝಲ್

ನಮ್ಮೊಳಗಿನ ಭಾವಕ್ಕೆ ಜೀವ ತುಂಬಿದವ ನೀನು

ನನ್ನೊಲವಿನ ಕವಿತೆಗೆ ಪದವಾದವ ನೀನು...!

ಜೀವದ ಜೀವಕ್ಕೆ ಕಾವ್ಯ ಕೈಗನ್ನಡಿ ಬೇರೆ ಬೇಕೇನು?

ಮನದೊಳಗಿನ ಕಿಚ್ಚನ್ನು ತಣಿಸಿದವ ನೀನು!

ಮೌನಕ್ಕೆ ಅಕ್ಷರಗಳ ಸರವ ಪೋಣಿಸಿದ ಕರುಣಿ

ಪ್ರಾಣಕ್ಕೆ ವಾಯುವಿನ ಶಕ್ತಿ ತುಂಬಿದವ ನೀನು!

ಜೋಗುಳದ ಹಾಡಲ್ಲಿ ಜೋಪಾನ ಮಾಡಿದವ

ಕೋಗಿಲೆಯ ಕೂಗಿನ ಮಧುರತೆ ತಂದವನು ನೀನು

ಪ್ರೀತಿ ವಿಶ್ವಾಸ ಶಾಂತಿ ನೆಮ್ಮದಿಯ ಗೂಡು ಮನ

ಪ್ರೇಮದುಂಗುರವ ತೊಡಿಸಿ ನಂಬಿಕೆಯ ಮೊಳಕೆಯೊಡೆಸಿದವ ನೀನು!

@ಪ್ರೇಮ್@

19.10.2021

ನೀ

ನೀ

ನೀ ಕೊಟ್ಟ ಮುತ್ತಿನ ಮತ್ತಿನ್ನೂ ಇಂಗಿಲ್ಲ

ನಿನ್ನ ಅಪ್ಪುಗೆಯ ಬಿಸಿ ಇನ್ನೂ ಮಾಸಿಲ್ಲ

ಮುದ ನೀಡಿರುವೆ ಹೃದಯ ಹಂಚಿ ಜೊತೆಜೊತೆಗೆ

ನಿನ್ನೊಡನೆ ಕಳೆದ ಪ್ರತಿ ಕ್ಷಣವನ್ನೂ ಮರೆತಿಲ್ಲ!

ಮಾತಲ್ಲೇ ಮನ ಗೆದ್ದುದ ತೊರೆದಿಲ್ಲ

ಕಷ್ಟ ಸುಖ ಹಂಚಿಕೊಳ್ಳದೆ ಬದುಕಿಲ್ಲ

ಮಾನವತೆ ಮರೆತೊಡನೆ ಬಾಳಿಲ್ಲ

ನಾ ನೀನು ಎಂಬ ಬೇಧವಂತೂ ಇಲ್ಲವೇ ಇಲ್ಲ

ಮನಸಾರೆ ಹರಟಿದ್ದ ಮರೆಯೋಲ್ಲ

ಕಣ್ಣಾ ಮುಚ್ಚಾಲೆಯಲ್ಲೆ ಮನ ಗೆದ್ದೆಯಲ್ಲ

ಪ್ರೀತಿಯ ಆಟದಲಿ ಯಾರಿಗೂ ಸೋಲಿಲ್ಲ

ನಿನ ಮೇಲಿನ ಭರವಸೆಗೆ ಎಂದಿಗೂ ಕೊನೆಯಿಲ್ಲ

ಯಾರಿಹರು ಬಾಳಿನಲಿ ಅನುದಿನ ಅನುಕ್ಷಣ

ಕಾದಿರುವೆ ನೋವಿನಲು ಪ್ರೀತಿಗಾಗಿ ಪ್ರತಿಕ್ಷಣ

ಬಳ್ಳಿಗಾಸರೆಯಾಗಿ ಮರದಂತೆ ಹಬ್ಬಿರುವೆ ಮನದಲ್ಲಿ

ಮೂಲೆ ಮೂಲೆಯಲ್ಲೂ ಅವಿತಿರುವೆ ಎದೆಯಲ್ಲಿ

@ಪ್ರೇಮ್@

19.10.2021

ಹೀಗೊಂದು ಪ್ರೇಮ ಕವನ

ಹೀಗೊಂದು ಪ್ರೇಮ ಕವನ

ನನ್ನ ಮುಖದ ಛಾಯೆಯ ನಿನ್ನ ಕಣ್ಣ ಬಿಂಬದೊಳು ಕಾಣುವಾಗ ಅಲ್ಲವೆ

ನಿನ್ನ ಬಚ್ಚಿಟ್ಟಿರುವೆ  ಎದೆ ಗೂಡಿನೊಳಗೆ

ನುಸುಳಿ ಹೋಗುವೆ ಎಲ್ಲಿಗೆ

ಕೀ ಕಳೆದು ಹಾಕಿರುವೆ

ನಿನ್ನ ಭಾವಗಳ ಪದಪುಂಜ ನನ್ನ ಅಕ್ಷರಗಳಲಿ ಹೊಮ್ಮಿದಾಗ ಹೊಮ್ಮುವುದು ನಿಜ ಪ್ರೇಮ

ಮನದ ಕದವ ತೆರೆದು ನೋಡೆ

ನಾನು ನೀನು ಜೊತೆಯೇ ಕೂಡೆ

ನಾನು ನೀನು ನೀನೇ ನಾನು

ಆದ ಮೇಲೆ ಮತ್ತೆ ಏನು

ಭುವಿಯು ಬಾನು ಸೇರಲು

ದಿಗಂತದಲ್ಲಿ ಕೂಡಲು

ರವಿಯು ಜಾರಿ, ತಾರೆ ಮಿನುಗಿ

ಅಪ್ಪಿ ಒಲವ ಹೀರಲದುವೆ

ಜೇನ ಹನಿಯ ಮಧುರಸ..

ಮುತ್ತಲ್ಲಿ ತೇಲಿಸಿ ಬಿಡುತ್ತಿದ್ದೆ

ನಿನ್ನೆದೆಯ ಬಿಸಿ ಉಸಿರು ನನ್ನೆದೆಯ ತಲುಪಲದೆ ಉತ್ತುಂಗ ಪ್ರೇಮದಲಿ

ತನ್ಮಯತೆ ಮನದಲಿ

ನಾ ನಿನಗೆ ನೀ ನನಗೆ

ನಡುವಿನಲಿ ಮತ್ತದೇ

ಉಸಿರ ಮಿಲನ ಬತ್ತದೆ..

ಮತ್ತಲ್ಲಿ ನಿನ್ನ ಮೀಯಿಸಿ ಮೆತ್ತಗೆ ನನ್ನ ಮೇಲೆ ಮಲಗಿಸಿ

ಮತ್ತೆಲ್ಲಾ ಜಾರುವವರೆಗೆ

ಮುತ್ತಿನಲ್ಲೆ ಶೃಂಗಾರ ಮಾಡಿ

ಮತ್ತೆಲ್ಲೂ ಹೋಗದಂತೆ

ಮುತ್ತಿನಲ್ಲೇ ಮತ್ತು ಬರಿಸಿ

ಮತ್ತೂ ಮತ್ತೂ ಮೆತ್ತಗಾಗಿಸಿ

 ಮೊತ್ತವಿರದ ಮತ್ತ ನೀಡಿ

ಮೆತ್ತಿಕೊಳುತ ಮುಕ್ತಿ ನೀಡಿ

 ಮತ್ತಿನಾಳದೊಳಗೆ ಮುತ್ತಿ ನಿನ್ನ

ಮುತ್ತಿ ಮುತ್ತಿ ಸುಖವ ನೀಡಿ

ಮುಟ್ಟಿ ಮುಟ್ಟಿ  ಚಿಟ್ಟೆಯಂತೆ

ಮುತ್ತಿ ಬಿಡುವೆ ಮೆತ್ತೆಯಂತೆ

@ಪ್ರೇಮ್@

19.10.2021

ನಿದ್ದೆ

ನಿದ್ದೆ

ಮಂಗಿಯು ನಿದ್ದೆಯಲಿ ಮರೆತೇ ಹೋಗಿರಲು

ಗ್ಯಾಸಲಿ ಇಟ್ಟ ಹಾಲಿನ ನೆನಪು ಮರೆತಿರಲು

ಮಂಗ್ಯಾ ಬಂದನು ನೀರನು ಕುಡಿಯಲು

ಖಾಲಿ ಪಾತ್ರೆಯ ಒಲೆಯಲಿ ಕಾಣುತ

ಸುಡುತಲಿ ಇದ್ದ ಪಾತ್ರೆಯ ತೆಗೆದು

ಮಡದಿಗೆ ಕೇಳಿದ ಏನಿದು ಎಂದು..?

ನಿದ್ದೆಯ ಮಂಪರು ಕನಸಲಿ ಹೊಸೆಯುತ

 ಮಂಗಿಯು ಮಲಗಿರೆ ಸೀರೆಯ ಕೊಳ್ಳುತ

ಸಾವಿರ ರೂಪಾಯಿ ನನಗೇ ಬೇಕದು

ಕೊಡು ಕೊಡು ಎಂದಳು ಮoಗಿಯು  ನಗುತ

ಏನದು ಸಾವಿರ ಎನುತಲಿ ಕೇಳುತ 

 ನಿದ್ದೆಗೆ ಮತ್ತೆ ಮಂಗಿಯು ಜಾರುತ...

ಮಂಗ್ಯಾ ಮಲಗಲು ನಿದ್ದೆಯು ಬಾರದು

ಸಾವಿರ ರೂಪಾಯಿ ಎಲ್ಲುಂಟು?

ಅವಳಿಗೆ ಏಕೆ ಸಾವಿರ ರೂಪಾಯಿ?

ಯಾರದು ಕೊಟ್ಟರು ಹಣವನ್ನು?

ಏನನು ಕೊಂಡಳು ಏಕಾಗಿ ಕೊಂಡಳು?

ಸಾವಿರ ರೂಪಾಯಿ ಎಲ್ಲಿತ್ತು?

ಮಂಗ್ಯನ ಪ್ರಶ್ನೆಯು ಹೋಗಲೇ ಇಲ್ಲ!

ನಿದ್ದೆಯೂ ಹತ್ತಿರ ಸುಳಿಯಲೆ ಇಲ್ಲ..!!

ಸಾವಿರ ರೂಪಾಯಿ ಸೀರೆಯ ಉಡುತಲಿ

ಮಂಗಿಯು ಮಲಗಲು ಅಂದದಲಿ

ಕನಸದು ನನಸು ಆಗಲೇ ಇಲ್ಲ

ಮಲಗಿದ್ದು ಸಾರ್ಥಕ ನಿದ್ದೆಯಲಿ

ಹೊಸ ಸೀರೆ ಬಂತಲ್ಲ ಕನಸಿನಲಿ!

@ಪ್ರೇಮ್@

14.10.2021

ಗಝಲ್

ಗಝಲ್

ಮಾತಿನಲೂ ಮೌನವಿದೆ ಗೆಳತಿ ಕಣ್ಣಿಂದ ಇಣುಕುವ ಹನಿ ಕಣ್ಣೀರಲಿ..

ಗೀತೆಯಲೂ ನೋವಿದೆ ಒಡತಿ ಮಣ್ಣಿಂದ ದೊರೆಯುವ ತುಸು ಪಟ್ಟದಲಿ..

ಬಾಸುಮತಿಯಂತೆ ರುಚಿಯಿರಬಹುದು ಬಾಳೆಂದು ಬಗೆದೆ ನಾ ಅಂದು!

ಬಾಸುಂಡೆ ಬಂದಂತೆ ಇಹುದೆಂಬ ಪರಿವೆ ಇರಲಿಲ್ಲ  ನಿಜ ಜೀವದಲಿ..

ಮರೆವು ಕೆಟ್ಟದು ಎಂದು ಹೇಳುತಲಿದ್ದರು ಹಿರಿಯರೆನಗೆ ನಿತ್ಯವೂ

ಮರೆತ ಸಾಲುಗಳೇ ಪರಮ ಮಿತ್ರರೆಂದು ಅರಿವಾಯಿತು ಹೊರ ಜಗದಲಿ...

ಗಗನದಲಿ ಗೂಡು ಕಟ್ಟಿದ್ದವು ಮೋಡಗಳು ತಣ್ಣಗೆ ತಮ್ಮಷ್ಟಕ್ಕೆ ತಾವು!

ಉದುರಿದವು ಹನಿಯಾಗಿ ಮುತ್ತಿನ ಮಣಿಯಾಗಿ ನವಿರಾಗಿ ಬಲವಾಗಿ ಸಣ್ಣ ಬಿಂದುವಲಿ.. 

ಮರದೊಳಗೆ ಅದೆಲ್ಲಿ ಹುದುಗಿತ್ತು ರುಚಿಯಾದ ಹಣ್ಣಿನ ಸಿಹಿಯು?

ಕನಿಕರದ ನಂಬಿಕೆಯ ಪ್ರೀತಿಯ ನಿಸ್ವಾರ್ಥದ ಮೋಸವಿರದ ಸರಿ ಗೆಳೆತನದಲಿ.

ಬಡಬಾಗ್ನಿ ಎದೆಯೊಳಗೆ ನಿದ್ದೆಯಾದರೂ ಹೇಗೆ ತಾನೇ ಅಡಿಯಿಟ್ಟೀತು ಮಂಚದೊಳಗೆ?

ಸುಡು ಸುಡುವ ಪನ್ನೀರು ವೇಗದಿ ಜಾರಿ ಬೀಳುತಳಿ ಕೆನ್ನೆ ಅಂಚಿನಲಿ..

ಪುಸ್ತಕದಿ ಬರೆದದ್ದು ಓದಿದ್ದು ಗೀಚಿದ್ದು ನೆನಪಿಲ್ಲ ಕ್ಲಾಸಿನಲಿ ಅಂದು!

ಪ್ರೇಮ ಪತ್ರವ ಬರೆದು ಸಿಕ್ಕಿ ಹಾಕಿಕೊಂಡಿರುವುದು ಸತ್ಯ ಗುರುವಿನಲಿ! 

@ಪ್ರೇಮ್@

15.10.2021

ತರ್ಪಣ

ತರ್ಪಣ

ಅರ್ಪಣೆ ನನ್ನೀ ಬದುಕದು ನಿನಗೆ

ತರ್ಪಣ ಪ್ರಾಣವು ಪ್ರೀತಿಪಗೆ

ಪ್ರಾರ್ಥನೆ ಆಲಿಪ ಮಹಾ ದೇವಗೆ

ಭಾವನೆ ಬೆಳೆಸಿದ ಮೆದುಳಿಗೆ...

ಬೇಡವು ಬೇಸರ ನೀರಸ ಕ್ಷಣಗಳು

ಬೇಡನ ಹಾಗೆ ಸಾಯಿಸೋ ನೋವುಗಳು

ನೀಡುತ ಕಾಯೋ ಪ್ರೇಮದ ಗುಳಿಗೆಯ

ಸಾರುತ ಒಗ್ಗಟ್ಟ ಮಂತ್ರದ ಗಳಿಗೆಯ..

ಮೂರುತಿಯಂತೆ ಕೂರದೆ ಜಗದಿ

ಕೀರುತಿ ತರುವ ಕಾರ್ಯದ ತೆರದಿ

ಮಾರುತಿ ದಯೆ ಎಂದಿಗೂ ನಮಗಿರಲಿ

ನಂಬಿಕೆ ಶಾಶ್ವತ ಸೊತ್ತಾಗಿರಲಿ..

@ಪ್ರೇಮ್@

15.10.2021