ಗಝಲ್

ತಂದೆಯಂತೆ ಪೊರೆದು ತಾಯಿಯಂತೆ ಕರೆದು ನೋಡಿಕೊಳ್ಳುವ ಶಿವ

ಮಂದಿಯೊಳಗೆ ಗುರುತಿಸಿ ಮಗುವಿನಂತೆ ಪೊರೆದು ಕಾಯುವ ಶಿವ

ಮುಗ್ಧತೆಯ ಅರಿತು ಸತ್ಯ ಸಂಧತೆ ಬೆಳೆಸಿಕೊಳ್ಳುವುದ ಅರಿಯುವನು

ಸ್ನಿಗ್ಧ ನಗುವ ಕೊಟ್ಟು ಸರ್ವರಲಿ ಒಂದಾಗಿ ಬಾಳಿ ಬದುಕುವ ಪರಿ ತಿಳಿಸುವ ಶಿವ

ಹಸಿರು ಬಣ್ಣವ ಬೆಳೆವ ಖುಷಿಯ  ಜಗದೊಳಗೆ ಎಲ್ಲಾ ತಿಳಿದಿರಬೇಕು

ಮೊಸರಿನಂತೆ ಬಿಳಿಯಾಗಿ ರುಚಿಯಾಗಿ ಆರೋಗ್ಯಕರವಾದ ಬಾಳು ನೀಡುವ ಶಿವ 

ನಾನು ನೀನೆನ್ನದ ಜಾತಿ ಮತ ಪಂಥವಿರದ ಮಾನವ ಧರ್ಮ ಕಟ್ಟಬೇಕು ಇಲ್ಲಿ

ತಾನು ಬರುತ ಹರಸೆ ಸಕಲ ಸಮಯಗಳಲ್ಲೂ ಧೈರ್ಯ ತೋರುವ ಶಿವ

ಪ್ರೀತಿ ನೀತಿ ಕಾಂತಿ ಭಕ್ತಿ ಸ್ಪೂರ್ತಿ ಶಾಂತಿ ಶಕ್ತಿ ಬೇಕು ಜನರಲ್ಲಿ ಇಂದು

ಕೀರ್ತಿ ಪತಾಕೆ ಹಾರಿಸಲು ಮನದಲಿ ಹನಿ ಹನಿ ಪ್ರೇಮ ತುಂಬುವ ಶಿವ

@ಹನಿಬಿಂದು@

13.04.2025