ಬಯಸದೆ ಬಂದ ಭಾಗ್ಯ
ಮನೆಯೊಳು ಮನದೊಳು
ನೀನಿರೆ ಶಿವನೆ
ಭಾಗ್ಯವೆ ಅಲ್ಲದೆ ಮತ್ತೇನು?
ವರವನು ಕೊಡುತಲಿ ನಗುತಲಿ ಇರುವೆಡೆ
ಪ್ರೀತಿಯ ಭಾವವು ಇನ್ನೇನು!
ದೇವನೆ ಜೊತೆಯಲಿ ಇರಲದು ಧನ್ಯತೆ
ಮುಂದೆಯೂ ನಾಳೆಯೂ ಇಂದೇನು?
ನಿನ್ನೊಳು ನಾನು ನನ್ನೊಳು ನೀನು
ಭಕ್ತಿ ಪರಾಕಾಷ್ಠೆಯಲಿ ಮಿಂದೇನು!
ಐಸಿರಿ, ಭಾಗ್ಯವು ಎಲ್ಲವೂ ನೀನೇ!
ನೀನಿರೆ ಸಕಲವು ಅಲ್ವೇನು?
ಬೇಕದು ಏನು ಇರುತಿರೆ ನೀನು
ಜತೆಗದು ಶಕ್ತಿ, ಜೈಸೇನು!
ಮಾತೆಯೂ ನೀನೇ, ಪಿತನೂ ನೀನೇ
ಶಕ್ತಿಯ ಮೂಲವು ನೀನೇನೇ!
ಮೂರ್ತಿಯೂ ನೀನೇ, ಕೀರ್ತಿಯೂ ನೀನೇ
ಲಿಂಗದ ಶಕ್ತಿಗೆ ಬರವೇನು!
ಬಯಸದೆ ಬಂದ ಭಾಗ್ಯವು ಬದುಕಲಿ
ಬೆರಗದು ಬಾಳಲಿ ಅಲ್ವೇನು?
ಬರಲದು ದೇವನು ಬಂಗಾರವು ಬಾಳುವೆ
ಬೆಳೆ ಬೆಳೆದಂತಲ್ಲದೆ ಮತ್ತೇನು?
@ಪ್ರೇಮ್@
13.10.2020
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ