ಬಡಿತವೇ...

ವಿಶ್ವ ಹೃದಯ ದಿನದ ಅಂಗವಾಗಿ...

ಬಡಿತವೇ....

ಬಡಿವೆ ನೀನು ನನ್ನ ಒಲವೆ

ಒಡಲಿನೊಳಗೆ ನಲಿಯುತ

ಜೀವವೀಣೆಯನ್ನು ಉಳಿಸಿ

ನುಡಿವೆ ಎನಗೆ ಸಂತತ...

ಉಸಿರು ನಿನ್ನ ಪ್ರಾಣವಂತೆ

ಗಾಳಿ ನಿನಗೆ ಊಟವಂತೆ

ರಕ್ತವನ್ನೆ ಕುಡಿವೆಯಂತೆ

ಶುದ್ಧತೆಯ ಪ್ರತೀಕವಂತೆ...

ಮಾಂಸದ ಮುದ್ದೆಯಂತೆ

ಭಾವನೆಗಳ ಸಾಗರವು..

ಪ್ರೀತಿ ಪ್ರೇಮಕೆಂದು ಮಿಡಿತ

ಕಂಪನದ ಅನುರಾಗವು...

ನಲಿವು ನೋವು ಏನೆ ಬರಲಿ

ಸ್ಪಂದನೆಯ ಏರಿಳಿತವದು

ಏಳುಬೀಳಿನಲ್ಲಿ ಮಿಡಿತ

ತಾಳ್ಮೆಯೆಂದು ಜಗಕೆ ಇಹುದು..

ನಾನು ನೀನು ಬೇರೆಯಲ್ಲ

ನೀನಿರದೆನಾನು ಇಲ್ಲ

ರಾಗ ನಾನು ಭಾವ ನೀನು

ತಾಳವಿರದೆ ಬಡಿತವಿಲ್ಲ...

@ಪ್ರೇಮ್@

29.09.2020