ಗಝಲ್

ಗಝಲ್

ತುಳಸಿ ಮನೆಯೆದುರು ನಗುತಿರಲಿ ಸಾಕಿ

ಕುಲ ಗೌರವವ ನೆನೆಯುತಿರಲಿ ಸಾಕಿ

ಮನದಲ್ಲೆಲ್ಲ ಸದಾ ಸುಖದ ನಗೆ ತುಂಬಿರಬೇಕು

ಸಂಸಾರ ಸಾಗರದಲಿ ಈಜುವಂತಿರಲಿ ಸಾಕಿ.

ದೇವರ ಸಹಸ್ರ ನಾಮಾರ್ಚನೆ ಮಾಡದಿದ್ದರೂ ಪರವಾಗಿಲ್ಲ

ಮನೆಯಲಿ ನೆಮ್ಮದಿಯ ಉಸಿರಿರಲಿ ಸಾಕಿ

ಘಂಟೆ, ಜಾಗಟೆ, ಆರತಿ, ತೀರ್ಥವೇ ಬೇಕಿಲ್ಲ

ಗಲಾಟೆಗೆ ಸ್ಥಾನ ಬರದಂತಿರಲಿ ಸಾಕಿ

ಮೂರ್ತಿ ಪೂಜೆ, ಮಂತ್ರೋಚ್ಛಾರ, ಆರತಿಯೇ ಮುಖ್ಯವಲ್ಲ

ಶಾಂತಿಯೇ ಬಾಳ ಮಂತ್ರವಾಗಿರಲಿ ಸಾಕಿ..

ಸಮಾಜ ಸೇವೆಗೆ ಲಕ್ಷ ಖರ್ಚು ಮಾಡಬೇಕೆಂದಿಲ್ಲ

ಪರರ ಒಳಿತನ್ನೂ ಬಯಸುವಂತಿರಲಿ ಸಾಕಿ!

ದ್ವೇಷದ ಕಿಡಿಯನು ಆರಿಸಿ ಬಿಡಬೇಕು

ಪ್ರೇಮದ ಬತ್ತಿಯನು ಹಚ್ಚುತಿರಲಿ ಸಾಕಿ!

@ಪ್ರೇಮ್@

17.10.2020