ಮೂಗು ದಾರ

ಮೂಗುದಾರ

ಒಂದು ಕಾಲದಲ್ಲಿ ಕೋಣನ ಮೂಗುದಾರ ನನ್ನ ಕೈಲಿತ್ತು

ಇಂದಿನ ಕಾಲದಲ್ಲಿ ನನ್ನ ಮೂಗುದಾರ ಮೊಬೈಲಿನ ಕೈಲಿದೆ

ಅಪ್ಪ ಅಮ್ಮ ಅಕ್ಕ ಅತ್ತೆ ಅಜ್ಜಿ ಸಂಬಂಧಗಳು ದೂರಾಗಿವೆ

ಆಪ್ತ ನೆಂಟ ಕಸಿನ್ ಗೆಳೆಯ ಪ್ರೇಮಿ ಹತ್ತಿರವಾಗಿ ಮಾತುಕತೆ ಆಗಿದೆ

ದೇಶ ರಾಜ್ಯ ಜಿಲ್ಲೆ ರಾಷ್ಟ್ರ ಪರದೇಶಿಗರು ಹತ್ತಿರದವರು

ನೆರೆಮನೆಯ ನೆರೆ ಬೀದಿಯ ಜನರೆಲ್ಲಾ ಅಪರಿಚಿತರು

ಅಮೆರಿಕ ಬ್ರಿಟನ್ ರಷ್ಯಾ ಜಪಾನ್ ಸುದ್ದಿಯೆಲ್ಲ ನನಗೆ ಗೊತ್ತು

ಪಕ್ಕದ ಮನೆಯಲ್ಲಿ ನಿನ್ನೆ ಸಾವಾಗಿತ್ತಂತೆ ಇವತ್ತು ಲೋಕಲ್ ವಾರ್ತೆ ಓದಿದಾಗಲೆ ಸುಸ್ತು!

ಅಜ್ಜಿ ಅಜ್ಜನ ರಜೆಯಲ್ಲಿ ನೋಡಲು ಬಂದರು ಮೊಮ್ಮಕ್ಕಳು

ತಮ್ಮ ಸೆಲ್ಫೀ ತೋಟ ಗದ್ದೆಯಲ್ಲಿ ಮೊಬೈಲ್ ನೋಡಿಯೇ ಹೊರಟವು ಹೈಕಳು

ಮಾತಿಲ್ಲ ಕತೆಯಿಲ್ಲ ಯಾರೂ ಬೇಡ ಏನೂ ಬೇಡ

ಊಟ ತಿಂಡಿ ಕುಡಿಯಲು ತಿನ್ನಲು ಆರ್ಡರ್ ಕೊಟ್ಟರೆ ಬರುವುದಲ್ಲ

ಕುಳಿತಲ್ಲೇ ಕೆಲಸ, ಕುಳಿತಲ್ಲೇ ಹಣದ ಗಳಿಕೆ

ಹೊರ ಹೋಗಲು ಬೇಡ ಕೂದಲು ಕತ್ತರಿಸಲಿಕ್ಕೂ  ಆ್ಯಪ್ ನಲಿ ಹೇಳಿ

ದಣಿದಿರಲಿ ಮುನಿಸಿರಲಿ ಮನಸಿರಲಿ ಇಲ್ಲದಿರಲಿ

ಸಮಯ ನುಂಗುವ ನಮ್ಮನಾಡಿಸುವ ಹೊಸ ಸಾಧನ ವಯೋವೃದ್ಧರಾದಿಯಾಗಿ !

@ಹನಿಬಿಂದು@

10.04.2023