ಖುಷಿಯ ಕ್ಷಣ

ಖುಷಿಯ ಕ್ಷಣ

ಅಂದು ಮೊಬೈಲ್ ತೋರಿತು ಕರೆಯಿದೆ

ನಿಮ್ಮ ಮಗಳ ಕವನ ಚೆನ್ನಾಗಿದೆ

ಕವನಗಳ ಪಟ್ಟಿಯಲ್ಲಿ ಮೇಲಿದೆ 

ಇಮ್ಮಡಿಯಾದ ಸಂತಸ ಬಂದಿದೆ

ಮತ್ತೆ ಕಾತರ ಕಳವಳ ಆತಂಕದೊಳಗೆ 

ಮತ್ತೊಂದಿಷ್ಟು ಖುಷಿ ಖುಷಿ ಒಳಗೊಳಗೆ

ಕೆಲಸದ ಒತ್ತಡ ಅತ್ತಿತ್ತ ಓಡಾಟದ ನಡುವಿಗೆ

ಎಲ್ಲವನ್ನೂ ಮರೆಯಿಸಿದ ದೀಪಾವಳಿ ಹಬ್ಬ

ಬಂಧುಗಳ ಒಟ್ಟು ಸೇರುವಿಕೆ ಅಲ್ಲಿ

ಅಡುಗೆ ಹರಟೆ ಮೆಲುಕು ಮಾತಲ್ಲಿ

ಜೊತೆಯೂಟ ನೆನಪು ಹಿರಿಯ ಮುಖಗಳಲ್ಲಿ

ಹಸಿರಿನ ಜೊತೆ ಬಾಲ್ಯದ ನೆನಪೂ ಜೊತೆಯಲ್ಲಿ

ಸಂಜೆ ಅಲ್ಲಿಂದ ಇಲ್ಲಿಗೆ ಓಡಾಟ

ಕೆಲಸದ ಒತ್ತಡದ ಗೋಳಾಟ

ಹಬ್ಬದ ರಜೆಯ ಮುಗಿದಾಟ

ಆಗಲೇ ಫಲಿತಾಂಶದ ಹುಡುಕಾಟ

ಬಂದೇ ಬಂತು ಐದು ಗಂಟೆಗೆ ಲಿಂಕು

ಮಕ್ಕಳ ಜಗಲಿ ಪತ್ರಿಕೆಯ ಕಡೆಯಿಂದ

ಹೆದರಿ ಹೆದರಿ ಜೋರಾದ ಎದೆ ಬಡಿತ

ತೆರೆಯುತ್ತಲೇ ಮೊದಲ ಪುಟದಲ್ಲಿ 

ಹಾ, ಇಲ್ಲ, ಬೇರೊಂದು ಸುಂದರ

ಪುಷ್ಪದಂತಹ ಮುಗುಳುನಗೆಯ ಹೊತ್ತ ಮಗು

ನೋಡಲು ಆನಂದ, ಮುಂದಿನ ಪುಟ

ಅದೋ ಅಲ್ಲಿತ್ತು, ಮೊದಲ ಸ್ಥಾನದ

ಮತ್ತೊಂದು ಹೆಸರು ಮಗಳದೆ ಆಗಿತ್ತು

ಅದೊಂದು ಸಡಗರ, ಹಬ್ಬ, ಆನಂದ

ಕಾತರ ಖುಷಿ ಕಣ್ಣೀರು ಒಂದಾದ ಕ್ಷಣ

ಮರೆಯಲಾರದ ಅಮೃತ ಘಳಿಗೆ

ಹರ್ಷ, ಕುಣಿಯುವಷ್ಟು, ಲೋಕದ ಸಿಹಿ

ಎಲ್ಲಾ ಒಮ್ಮೆಲೇ ತಿಂದಷ್ಟು ಹಿತ ಭಾವ

ಹೀಗೆಯೇ ಉಳಿಯಲಿ ಈ ಸಂತೋಷ

ಮಗನಾಗಲಿ ಮಗಳಾಗಲಿ ಉತ್ತಮ ಗುಣವಿರಲಿ

ಹೆಣ್ಣು ಮಗು ಎಂದವಗೆ ತಿಳಿಯಲಿ

ಹೆಣ್ಣು ಹೊನ್ನೆಂದು...

@ಹನಿಬಿಂದು@

15.11.2023