ಹಾರೈಕೆಗಳು

ಗೆಳತಿ ಶಕುವಿಗೆ

ನಿನ್ನ ಒಡನಾಟದ ಆ ಸವಿ ಅದೆಂತು ಮರೆಯಲು ಸಾಧ್ಯ ಗೆಳತಿ? ಜೊತೆಗೆ ಕಳೆದ ಮೂರು ವರುಷಗಳ ನೆನಪು ನೂರು ವರುಷಗಳವರೆಗೆ. ಕಠಿಣ ಪರಿಶ್ರಮ ,ಶ್ರದ್ಧೆ, ವಿಶ್ವಾಸ ,ತನ್ನತನ , ಕಷ್ಟ ಸಹಿಷ್ಣುತೆ, ಎಲ್ಲಾ ಸಂದರ್ಭಗಳಲ್ಲಿ ಸ್ಥಿತಪ್ರಜ್ಞತೆ ಇವುಗಳೆಲ್ಲ ನಾ ನಿನ್ನ ನೋಡಿ ಹಾಗೂ ನಿನ್ನ ಗೆಳೆತನದಲ್ಲಿ ಕಲಿತ ಗುಣಗಳು.ನಿನ್ನ ಗೆಳೆತನ ನನಗೆ ಬಹಳ ಒಳ್ಳೆಯ ಗುಣಗಳನ್ನು ಕಲಿಸಿಕೊಟ್ಟಿದೆ ಎಂದರೆ ತಪ್ಪಲ್ಲ. ಬದುಕಿನಲ್ಲಿ ಉತ್ತಮ ಗೆಳೆಯರನ್ನು ಹೊಂದುವುದು ಕೂಡ ಒಂದು ದೈವದತ್ತ ವರವೇ ಸರಿ.
ಉತ್ತಮ ಗೆಳೆಯರು ಮತ್ತು ಉತ್ತಮ ಪುಸ್ತಕಗಳು ನಮ್ಮ ಜೀವನವನ್ನು ಬಹಳಷ್ಟು ನಿರ್ಧರಿಸಿದೆ ಎಂದು ತಿಳಿದವರು ಹೇಳುತ್ತಾರೆ. ನನ್ನ ಜೀವನದಲ್ಲಿ ನಾನು ಏನಾದರೂ ಅಲ್ಪಸಲ್ಪ ಸಾಧಿಸಿದ್ದರೆ ಅದರಲ್ಲಿ ನಿನ್ನ ಪ್ರಭಾವವು ಇರಬಹುದು ಎಂದು ನನ್ನ ಅನಿಸಿಕೆ. ಯಾವುದೇ ಸಾಧನೆಗೆ ಹೆದರಬೇಕಾದ ಅವಶ್ಯಕತೆ ಇಲ್ಲ ಧೈರ್ಯ ಮುಖ್ಯ ಎಂದು ಆದಾಗ ಹೇಳಿಕೊಟ್ಟ ಗೆಳತಿ ನೀನು. ನೋವಿನಲ್ಲಿ ನಗಿಸಿ ಬದುಕಿಗೆ ಧೈರ್ಯ ತುಂಬಿದ ಶಕ್ತಿ. ನಿನ್ನ ನೋಡಿ ಕಲಿಯುವುದು ಬಹಳಷ್ಟು ಇದೆ.
ಸಾಧನೆ ನಮ್ಮ ಆಲೋಚನೆಗಳನ್ನು ತಲುಪಬಲ್ಲ ಸಾಧನ ಎಂಬುದನ್ನು ನಿನ್ನಿಂದ ಕಲಿತೆ. ಯಾರು ಏನೇ ಹೇಳಿದರೂ ನಮ್ಮ ಮನದ ಮಾತನ್ನು ಕೇಳಿ ಅದರಂತೆ ನಡೆಯಬೇಕು ಎಂದು ತೋರಿಸಿದ ದಿಟ್ಟೆ ನೀನು .

ನಿನ್ನ ವಿದ್ಯಾರ್ಥಿಗಳು ಅದೃಷ್ಟವಂತರು. ಒಂದು ದಿನವಾದರೂ ನಿನ್ನ ವಿದ್ಯಾರ್ಥಿಯಾಗಿ ನಿನ್ನ ತರಗತಿಯಲ್ಲಿ ಕುಳಿತುಕೊಳ್ಳಲು ಆಸೆ ಇದೆ. ಸಾಧನೆಗೆ ಸಮಯ ಬೇಕಿಲ್ಲ. ಯಾವಾಗಲೂ ಸಾಧಿಸಬಹುದು, ಮನಸ್ಸು ಮುಖ್ಯ ಎಂಬುದನ್ನು ಬದುಕಿನಲ್ಲಿ ನಿಜವಾಗಿ ತೋರಿಸಿಕೊಟ್ಟ ನಿನಗೆ ಜನುಮ ದಿನದ ಶುಭಾಶಯಗಳು.
ಉತ್ತಮ ಭವಿಷ್ಯ ಕ್ಕೆ ಮನದುಂಬಿ ಹಾರೈಕೆಗಳು. ಸಾಧನೆ ಮತ್ತಷ್ಟು ಹೆಚ್ಚಲಿ. ನಿನ್ನ hard work, dedication, smiling nature, disciplined life ನನ್ನಲ್ಲೂ ಬರಲಿ..
@ಹನಿಬಿಂದು@
04.11.2023