ಅಪ್ಪ

ಅಪ್ಪ

ಅದ್ಯಾವ ಉಡುಗೊರೆ ನಾ ಕೊಡಬಲ್ಲೆ ನಿನಗೆ

ನೀನೇ ನನ್ನುಸಿರು ಆಗಿರುವಾಗ

ಅದು ಯಾವ ರೀತಿಯ ಪೂಜೆ ಮಾಡಬಲ್ಲೆ

ನೀನೇ ಸರ್ವ ಕೊಡುಗೈ ಆದಾಗ

ಅದು ಯಾವ ಪದಗಳಿಂದ ತಾನೇ ಹಾಡಬಲ್ಲೆ 

ಎಲ್ಲ ಅಕ್ಷರ ಪದ ಪುಂಜಗಳೂ ನಿನ್ನದಾಗಿರುವಾಗ

ಅದು ಯಾವ ರೀತಿ ಭಜಿಸಿ ಸ್ತುತಿಸಬಲ್ಲೆ 

ಎಲ್ಲ ಭಜನೆ ಹಾಡು ಸ್ತುತಿಗಳೂ ನಿನ್ನದೇ ಆದಾಗ

ಅದೆಲ್ಲಿಯ ಮಂತ್ರ ತಂತ್ರ ಪೂಜೆಗಳು

ಹೃದಯದಲ್ಲಿ ನಿನ್ನ ಲಿಂಗ ಪ್ರತಿಷ್ಠಿತ ಆಗಿರುವಾಗ

ಅದೆಲ್ಲಿಯ  ವೃತ ಉಪವಾಸ ಪೂಜೆ

ನಾನು ನಿನ್ನಂಶ ಆಗಿರುವಾಗ

ಅದ್ಯಾವ ನೀತಿ ನಿಯಮ ಚೌಕಟ್ಟು

ನೀನೇ ಕೈ ಹಿಡಿದು ನಡೆಸುವಾಗ

ಅದು ಯಾವ ಪರಿಯ ಭಕ್ತಿ ಭಾವ

ಕನಸು ಮನಸಲ್ಲೂ ನೀನಿರುವಾಗ

@ಹನಿಬಿಂದು@

16.07.2024