ನಂಟು
ನನ್ಗೂ ನನ್ ಮೊಬೈಲ್ಗೂ ಬಿಡಲಾರದ್ ನಂಟಾ..
ಅಯ್ಯೋ ಅದ್ ಬಿಡ್ರೀ.. ನಮ್ಮಿಬ್ರದ್ ಏಳ್ ಜನ್ಮದ್ ನಂಟಾ...
ಈಗ್ ತೋರ್ತದ ಏಳಲ್ಲ, ಎಂಟನೇ ಜನ್ಮದ್ದಿದಂತ!
ಊಟ ತಿಂಡಿ ಶೌಚದಾಗೂ ಬಿಡಲೊಲ್ಲೆ ಇದ್ನ!
ಓದ್ತಾ ಬರೀತಾ ವೀಡ್ಯೋ ನೋಡ್ತಾ
ನಾನೊಬ್ನೇ ನಗ್ತಾ, ಬೇಜಾರಾಯ್ತೋ ಮಾರಿ ಸೊಟ್ಟಗ್ ಮಾಡಿ ಗೆಳೆಯಂಗ್ ಬೈತಾ!
ಮನಿಯೊಳಗೂ, ಮನಿ ಹೊರ್ಗೂ ನನ್ಗದರಾ ಬೆಸುಗೆ!
ಇಲ್ದಿದ್ರೇ ನಾ ಮೂಕ, ಜೋಡಿ ಅದೇ ನನಗ!
ನೀವಾರ ಹೇಳ್ರಯ್ಯ ಅಪ್ಪಗೆ ಇದ ಏನಂತ?
ನಿನಗ್ಯಾಕೋ ಮೊಬೈಲಂತ ಅವ ದೂರ ಮಾಡ್ದ!
ಮೊಬೈಲಿಲ್ದೆ ನಾನಿಲ್ಲ, ತಿಳಿದಿವ್ನಿ ಅದ ಹೆಣ್ತಿ ಅಂತ!
ಗಣ್ ಮಾಮನ ಇಲಿಯಂತೆ ಅದ್ ನನಗ ಬೇಕಂತ!
ಊಟ ತಿಂಡಿ ಒಂದ್ಹೊತ್ತು ಇಲ್ದಿದ್ರೂ ನಡೀತದ!
ಮೊಬೈಲ್ ಮಾತ್ರ ಮೂರ್ಹೊತ್ತೂ ಕೈನಾಗೇ ಬಂದ್ ಕುಂತಿರ್ತದ!
ಮಕ್ಳಾದ್ರೂ ಬದಿಗಿರ್ಲಿ! ಮೊಬೈಲ್ ಕಾಸಿನ ಹಾಂಗ!!
ಕಣ್ ಮೂಗು ಬಾಯೆಲ್ಲ ಮೊಬೈಲ್ ನ ಕೈನಾಗ!
ಮನಿ ಮನವ ಕೆಡಿಸ್ತಲ್ಲೋ ಈ ಎಳೆ ಕಂಪ್ಯೂಟರ್ರು!
ಎಲ್ಲಾ ಐತೆ ಅದರೊಳಗ ಜಗದ ತಿರುಳೆಲ್ಲಾ..
ಜ್ವಾಪಾನ ಮಾಡ್ಬೇಕು ನನ್ ಮೊಬೈಲನ್ನ!
ಹೆಣ್ತಿ ಏನಾರ ನೋಡ್ಬಿಟ್ರೆ, ಮರ್ಯಾದೆನೇ ಓಟ!
ಏನ್ ಬೇಕೋ ಏನ್ ಬೇಡ್ವೋ ಮೆಾಬೈಲ್ ಕೈಲಿ ಬೇಕ...
@ಪ್ರೇಮ್@
15.06.2019
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ