ಕಾಲ
ಕಾಲವೊಂದು ಹೀಗಿರಬೇಕಿತ್ತು!
ಪ್ರತಿ ಗಳಿಗೆಯೂ ವಸಂತಕಾಲ!
ಹಚ್ಚ ಹಸಿರಾದ ಚಿಗುರು ಮರಗಳ ಸಾಲು!
ಕೋಗಿಲೆಗಳ ಕೂಗು ಕಲರವದ ಬಾಳು!
ಕನಸ ಲೋಕದಲಿ ಮೊಲ ಜಿಂಕೆ ಓಡಾಟ!
ಕಾಡಲಿ ಹುಲಿ, ಕರಡಿ, ಸಿಂಹಗಳಾರ್ಭಟ!
ಮನುಜನಿಗೆ ಪ್ಲಾಸ್ಟಿಕ್, ಫೈಬರ್ಗಳ ಬಗೆಗೆ ತಿಳಿಯದು!
ಜೈವಿಕ ಬೇಸಾಯದ ಸುಖದ ಬಾಳು!
ಕೀಟನಾಶಕ ಕಳೆನಾಶಕಗಳೆಂದರೇನೋ ತಿಳಿಯದು!
ಒಂದು ಕೀಟವ ತಿನ್ನಲು ಮತ್ತೊಂದು ಜೀವಿ!
ನಿತ್ಯ ಅಲ್ಲಲ್ಲಿ ಹಾವು, ಹಲ್ಲಿ,ಓತಿಕೇತಗಳ ಓಡಾಟ!
ನಮ್ಮಷ್ಟಕ್ಕೆ ನಾವು, ಅವುಗಳ ಬದುಕು ಅವುಗಳಿಗೆ!
ಮರದ ಮೇಲೆಲ್ಲ ವಿವಿಧ ಪಕ್ಷಿ ಕೀಟ ಸಂಕುಲ!
ಹಣ್ಣುಗಳಿಗೆ ಅಳಿಲು, ಕಾಗೆ, ಗಿಳಿ, ಮಕ್ಕಳ ಸ್ಪರ್ಧೆ!
ಆಗಸದಲಿ ಬಣ್ಣ ಬಣ್ಣದ ಮೋಡಗಳಾಟ!
ಸಾಗರದಿ ಧುಮ್ಮಿಕ್ಕುವ ಜಲಧಾರೆಯ ನೋಟ!
ಎಲ್ಲೂ ಮಾಲಿನ್ಯವಿರದ ಭೂಲೋಕ ಸ್ವರ್ಗ!
ಹಸಿರ ಭೂಮಿ, ಶುದ್ಧ ನೀರು! ಮಲಿನವಿರದ ಗಾಳಿ!
ಫಸಲಿಗೆ ಬೇಕಾದ ಕಪ್ಪು, ಕೆಂಪು, ಮೆಕ್ಕಲು ಮಣ್ಣು!
ಅದೂ ವಿಷರಹಿತ, ಕೃತಕ ರಾಸಾಯನಿಕಗಳಿಲ್ಲದ್ದು!
ಆರೋಗ್ಯವಂತ ಮಕ್ಕಳ ಆಟ, ನಗು, ಕೇಕೆ!
ಹಿರಿ ಕಿರಿಯರ ಮಾತುಕತೆ, ನಗು, ಹರಟೆ!
ಆಚೀಚೆ ಮನೆಯವರ ಕೊಡು-ಕೊಳ್ಳುವಿಕೆಯಂದ!
ಸ್ವಲ್ಪ ಜಗಳ, ಕೆಲದಿನದ ಹುಸಿಮುನಿಸು!
ಸ್ವಾರ್ಥರಹಿತ ದಿನಗಳು, ಬಡವನಿಗೆ ಸಿರಿವಂತನ ಸಹಾಯ!
ಮನೆ ಮನಗಳೆರಡೂ ಹಿತವಾದವುಗಳು!
ಸಿಮೆಂಟಿಗೂ, ಮಣ್ಣಿಗೂ ಸ್ನೇಹ!
ಈದ್ ಗೆ ಸಿಹಿಹಂಚಿ, ಜೊತೆಯಲಿ ದೀಪಾವಳಿಗೆ ಪಟಾಕಿ ಒಡೆದು ಹಬ್ಬ!
ಕ್ರಿಸ್ ಮಸ್ ಗೆ ಚರ್ಚ್ ಗೆ ಹೋಗಿ ಮೊಂಬತ್ತಿ ಉರಿಸಿ,
ಗಣಪತಿ ಬಿಡುವಾಗ ಮೆರವಣಿಗೆಯಲಿ ಊರಿಗೂರೇ ಭಾಗಿ!
ಜಾತಿ ಮತಗಳ ಹಂಗಿಲ್ಲ,
ಪಕ್ಷಗಳಲ್ಲಿ ನುಸುಳಿಲ್ಲ!
ನ್ಯಾಯ ಕೊಡುವವನೇ ಊರ ನಾಯಕ!
ನ್ಯಾಯಯುತ ಬಾಳ್ವೆ ಜನರ ಕಾಯಕ!
@ಪ್ರೇಮ್@
07.06.2019
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ