1431. ಹಾಡು ಕೋಗಿಲೆಗೆ

ಭಾವಗೀತೆ

ಕೋಗಿಲೆಗೆ

ಮುಂದೆ ಮುಂದೆ ಸಾಗುತಲಿ

ಹಾಡು ಕೋಗಿಲೆ ನೀ..ಹಾಡು ಕೋಗಿಲೆ

ಹಿಂದೆ ತಿರುಗಿ ನೋಡದೇನೆ

ಹಾಡು ಕೋಗಿಲೆ ನೀ...

ಮನದ ದುಗುಡವೆಲ್ಲ ದೂಡಿ

ನಲಿವಿನ ತರಂಗಗಳ ತೀಡಿಪ

ಬಾಳ ಬಯಲ ತಂಪು ಮಾಡಿ

ಖುಷಿಯ ರಾಗಗಳ ಹುಡುಕಾಡಿ

ಹಾಡು ಕೋಗಿಲೆ ನೀ..

ಶೃತಿಯ ಹಿಡಿದು ನಡೆಯುತ

ಕೃತಿಗೆ ರಾಗ ಹಾಕುತ

ಸ್ಮೃತಿಯ ಕೇಂದ್ರೀಕರಿಸುತ

ಭಾವದೊಡನೆ ಬೆರೆಸುತ

ಹಾಡು ಕೋಗಿಲೆ ನೀ..

ಮೌನವನ್ನು ಮುರಿಯುತ

ಎದೆಯ ವೀಣೆ ಮೀಟುತ

ಸಂತಸವ ಹಂಚುತ

ರಾಗ ಲಹರಿ ಕಲಿಯುತ

ಹಾಡು ಕೋಗಿಲೆ ನೀ

ನಲಿದಾಡು ಕೋಗಿಲೆ.

@ಪ್ರೇಮ್@

03.04.2020