ನನ್ನ ಭಾರತ

ನನ್ನ ಭಾರತ

ನನ್ನ ಭಾರತ ಹಸಿರ ಸೀರೆಯ ಹೊದ್ದು ಮಲಗಿದೆಯೇ?

ನನ್ನ ದೇಶವು ದೇಶ ಭಕ್ತರ ಉಡಿಯ ತುಂಬಿದೆಯೇ?

ಶಿರದಿ ಹಿಮಾಲಯ ಗಂಗೆಯುಕ್ಕುವ ಜಲ ಶುದ್ಧಿಯಾಗಿದೆಯೇ?

ಕಾಲ ತೊಳೆಯಲು ಮಹಾ ಸಾಗರ ಉಕ್ಕಿ ಹರಿದಿದೆಯೇ?

ಮಾತೆ ಗೌರವ ಉಳಿಸೆ ಹೆಮ್ಮಕ್ಕಳ ಮಾನ ಕಾಪಾಡಿದೆಯೇ?

ಜಾತಿ ಮತ ಪಂಥಗಳ ಸಂಕೋಲೆ ಕಿತ್ತು ಹಾಕಿದೆಯೇ?

ಹಲವು ಭಾಷೆ ನುಡಿ ಲಿಪಿಗಳೆಲ್ಲವು ಒಂದನ್ನೇ ಸಾರಿವೆಯೇ?

ಮೋಸ ವಂಚನೆ ಹೊಟ್ಟೆಕಿಚ್ಚದು ಬಹು ದೂರ ಓಡಿವೆಯೇ?

ಗಾಂಧಿ ತಾತನ ರಾಮರಾಜ್ಯವು ಎಲ್ಲೆಲ್ಲು ಕಾಣುವುದೇ?

ದಾಸ್ಯವೆಂಬ ಸಂಕೋಲೆ ಮುರಿದು ಸರ್ವ ಸ್ವಾತಂತ್ರ್ಯ ಬಂದಿದೆಯೇ?

ಉರಿವ ಮನಗಳ ತಣಿಸಿದ ಉಸಿರೊಂದೆ ಆಗಿದೆಯೇ?

ಪ್ರೇಮ ಪ್ರೀತಿ ಶಾಂತಿ ಭಕ್ತಿಯ ಕೀರ್ತಿ ಸಾರುತಿವೆಯೇ?

@ಪ್ರೇಮ್@

04.08.2020