ಗಝಲ್

ಗಝಲ್

ನಮ್ಮೊಳಗಿನ ಭಾವಕ್ಕೆ ಜೀವ ತುಂಬಿದವ ನೀನು

ನನ್ನೊಲವಿನ ಕವಿತೆಗೆ ಪದವಾದವ ನೀನು...!

ಜೀವದ ಜೀವಕ್ಕೆ ಕಾವ್ಯ ಕೈಗನ್ನಡಿ ಬೇರೆ ಬೇಕೇನು?

ಮನದೊಳಗಿನ ಕಿಚ್ಚನ್ನು ತಣಿಸಿದವ ನೀನು!

ಮೌನಕ್ಕೆ ಅಕ್ಷರಗಳ ಸರವ ಪೋಣಿಸಿದ ಕರುಣಿ

ಪ್ರಾಣಕ್ಕೆ ವಾಯುವಿನ ಶಕ್ತಿ ತುಂಬಿದವ ನೀನು!

ಜೋಗುಳದ ಹಾಡಲ್ಲಿ ಜೋಪಾನ ಮಾಡಿದವ

ಕೋಗಿಲೆಯ ಕೂಗಿನ ಮಧುರತೆ ತಂದವನು ನೀನು

ಪ್ರೀತಿ ವಿಶ್ವಾಸ ಶಾಂತಿ ನೆಮ್ಮದಿಯ ಗೂಡು ಮನ

ಪ್ರೇಮದುಂಗುರವ ತೊಡಿಸಿ ನಂಬಿಕೆಯ ಮೊಳಕೆಯೊಡೆಸಿದವ ನೀನು!

@ಪ್ರೇಮ್@

19.10.2021