ಮದುವೆ

ಮದುವೆ

ಮುದ್ದು ಮುದ್ದು ಮಾತನಾಡಿ ಮೊದಲು ಗಾಳ ಹಾಕುವೆ

ಕದ್ದು ಕದ್ದು ಮಾತನಾಡಿ ಜೋಡಿ ಆಗು ಎನ್ನುವೆ

ಸದ್ದು ಸುದ್ದಿ ಇಲ್ಲದೇನೆ ಬಲೆಯ ಬೀಸಿ ಎಸೆಯುವೆ

ಪೆದ್ದು ನಾನು ನಿನ್ನ ಪ್ರೇಮ ಜಾಲದಲ್ಲಿ ಬೀಳುವೆ

ಒಂದು ದಿನವು ನಿಗದಿ ನಮ್ಮ ಮದುವೆ ಎಂಬ ಬಂಧಕೆ

ಬಂಧು ಬಳಗವನ್ನು ತೊರೆದು ಗಂಡನ ಮನೆ ಸೇರಲಿಕ್ಕೆ

ಹೆಣ್ಣು ಮನೆಯ  ಗೃಹಿಣಿಯಾಗಿ ಗಂಡು ಕೂಡಿ ಗೃಹಸ್ಥ

ಇಬ್ಬರೂನು ಸೇರಿದರೆ ಮನೆಯವರೆಲ್ಲಾ ಸ್ವಸ್ಥ!

ನನಗೆ ನೀನು ನಿನಗೆ ನಾನು ಎನುವ ಭಾವ ಬೇಕು

ನಾನೇ ನಾನು ನೀನೇ ನೀನು ಎನುವುದ ಬಿಡ ಬೇಕು

ತ್ಯಾಗ ಪ್ರೇಮ ನಂಬಿಕೆಯೇ ಮದುವೆಯ ಒಳಗುಟ್ಟು

ಎರಡು ಕುಟುಂಬ ಕೂಡಿಸುವುದು ಬದುಕಿನ ಚೌಕಟ್ಟು!

ಗಂಡು ಹೆಣ್ಣು ಇಬ್ಬರೂನು ನಾಣ್ಯದ ಮುಖವೆರಡು..

ಹೊಂದಿಕೊಂಡು ಬಾಳುತಿರಲು ಕುಟುಂಬ ಆಗದು ಎರಡೆರಡು!

ಮಕ್ಕಳಲ್ಲಿ ಕೊಂಡಿಗಳು ಬೆಸೆಯೆ ಭಾವ ಬಂಧ

ರಂಗವಲ್ಲಿಯಂತೆ ಇಲ್ಲು ಬಣ್ಣದ ಬದುಕುಂಟು!

ಸುಖವೂ ಕಷ್ಟವೂ ಬರುತಲಿಹುದು ಪರೀಕ್ಷೆ ಮಾಡೆ ಸತತ

ಹಿಗ್ಗದಂತೆ ಕುಗ್ಗದಂತೆ ಬಾಳಬೇಕು ಅನವರತ..

@ಪ್ರೇಮ್@

24.10.2021