ಇರುವೆ
ಸೊಕ್ಕಿನ ಇರುವೆಯು ಪಕ್ಕದ ಮನೆಕಡೆ
ಸಾಗುತಲಿತ್ತದು ಸಂತಸದಿ
ಮುಕ್ಕುತ ಸಿಹಿಯನು ಕಕ್ಕುತ ಕಹಿಯನು
ನಡೆಯುತಲಿತ್ತು ಹೊಸತನದಿ..
ತಟ್ಟನೆ ನೋಡಿತು ಸತ್ತು ಬಿದ್ದಿದ್ದ
ದಪ್ಪನೆ ಒಂದು ಜಿರಳೆಯನು
ಪಟ್ಟನೆ ಓಡಿ ಗೆಳೆಯರ ಕರೆಯಲು
ಓಡುತ ಬಂದವು ಮಾಡಿ ಸಾಲನ್ನು
ಬಿಟ್ಟವು ಬಾಯಿಯ ಶಕ್ತಿಯು ಒಗ್ಗಟ್ಟಿನ
ನೋಡುತ ನಿಂತವು ಹಿಂದುಗಡೆ
ಕೆಟ್ಟೆವು ಸಾಲಲಿ ಒಟ್ಟಿಗೆ ಬನ್ನಿರಿ
ಎತ್ತೋಣ ನಾವು ಮುಂದುಗಡೆ..
ಸಾಲನು ಬಿಟ್ಟವು ಎದುರಿಗೆ ಬಂದವು
ಮೂತಿಯ ತೂರಿಸಿ ಎಳೆದಾಡಿದವು
ಪಾಲನು ಪಡೆಯಲು ವೇಗದಿ ಎಲ್ಲವೂ
ನೂಕುತ ಮನೆಕಡೆ ಸಾಗಿದವು..
@ಪ್ರೇಮ್@
01.09.2022
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ