ಮೊಬೈಲ್ ಪರಿಣಾಮ

ಜನರೇ ಕೇಳಿರಿ

ಕೇಳಿರಿ ಕೇಳಿರಿ ನಾಡಿನ ಜನಗಳೇ

ಮೊಬೈಲ್ ಫೋನನ್ನು ಹಿಡಿದವರೆ

ನೆಟ್ಟನು ಬಳಸಿ ಅಪ್ಲೋಡ್ ಡೌನ್ಲೋಡ್

ಎನ್ನುತ ಖುಷಿಯ ಪಡುವವರೆ...

ಬೆರಳಿನ ಗೆರೆಗಳ ಮುಖದ ಆಕಾರವ

ನೀಡಿ ಬಿಡುವಿರಿ ಸುಲಭದಲಿ

ಮಾರಿಹ ದೇಶದ ಕೋಡಿಂಗ್ ಅದನು

ಹಿಡಿದಿಡುವುದು ತನ್ನ ಹಿಡಿತದಲಿ..

ನಿಮ್ಮಯ ಪಟಗಳ ಬ್ಯಾಂಕಿನ ವಿಷಯವ

ಹಂಚಲು ಬೇಡಿರಿ ಎಲ್ಲರಿಗೆ

ಓಟಿಪಿ ಸಂಖ್ಯೆಯ ಬ್ಯಾಂಕದು ಕೇಳದು

ಹೇಳಲು ಬೇಡಿರಿ ಕರೆಗಳಿಗೆ..

ಒತ್ತುತ ಎಳೆಯುತ ಕಣ್ಣಿಗೆ ಆಯಾಸ

ಕಣ್ಣಿನ ಮೇಲೆ ಕಣ್ಣಿರಲಿ

ಓಡುವ ಚಿತ್ರ ಪಟಗಳ ನೋಡುತ

ಸಮಯದ ಬಗ್ಗೆ ಅರಿವಿರಲಿ..

ಮನೆಯಲು ದಾರಿಲು ಬಸ್ಸಿನ ಒಳಗೂ

ಡ್ರೈವಿಂಗ್ ನಲ್ಲೂ  ಫೋನುಗಳೇ 

ಆಫೀಸು ಕೆಲಸವ ಮಾಡಲು ಎಂದು

ಕುಳಿತಲ್ಲೇ ಕುಳಿತು ತಲೆ ನೋವೇ..

ಹಿರಿಯರಿಗಾಗಿ ಕುಟುಂಬಕ್ಕಾಗಿ

ಸಮಯವ ನಾವು ನೀಡೋಣ

ಮೊಬೈಲ್ ಬದಿಗಿಟ್ಟು  ಮಕ್ಕಳ ಜೊತೆಗೆ

ಆಡುತ ಹರ್ಷಿತರಾಗೋಣ..

@ಹನಿಬಿಂದು@

20.02.2023