ಶಿವ ಭಕ್ತಿ

ಶಿವಭಕ್ತಿ

ಅಂಗವ ಹೊತ್ತಿಹ ಮಂಗನ ರೂಪದ

ಸಂಘವ ಕಟ್ಟುವ ಮನುಜನದು 

ಭೃಂಗದ ರೂಪಿ ಮಂಗಳೆ ಪತಿಯು

ಗಂಗಾದೇವಿಯ ಹೊತ್ತವಗೆ

ನಮನವ ಸಲ್ಲಿಸೆ ಕವನವ ಬರೆದಿಹೆ

ಗಮನವ ನೀಡುತ ಕ್ಷಣ ಘಳಿಗೆ

ಗಹನದ ಕಾರ್ಯವ ಸಮಾನ ಭಾವದಿ

ಸಹನೆಯ ಸಾಧಿಸಿ ಮಾಡುವಗೆ

ದಹನವ ಮಾಡಿ ಕ್ರೋಧ ಲೋಭಗಳ

ಅಹನಿಯ ಮೇಲೆ ಬದುಕುವಗೆ

ಗಂಗಾಧರನು ನೀಡುವ ವರಗಳ

ಲಿಂಗಕೆ ಬಾಗಿ ನಡೆದವಗೆ

ಜಂಘಾಬಲವು ಉಡುಗಿ ಹೋಗದು

ಡಂಗುರ ಬಾರಿಸೋ ಕೈಗಳಿಗೆ

ಪಾಲಿಸೆ ನೀತಿ ಭಕ್ತಿಯ ಸ್ಪೂರ್ತಿ

ಗೂಳಿಯ ಹಾಗೆ ವರ್ತಿಸದೆ

ಆಳುತ ಮೆರೆವರು ದೇಶವನೆಲ್ಲ

ಬಾಳಲಿ ಭಕ್ತಿಯ ನೆಚ್ಚಿದೊಡೆ

ಉತ್ತಮ ಕರ್ಮವೆ ಭಕ್ತಿಯ ಮರ್ಮವು

ಹತ್ತರ ಜೊತೆಯಲಿ ನಗುತಿರಲು

ಬತ್ತದ ಪ್ರೀತಿಯು ಎತ್ತಲೂ ಇರಲು

ಮುತ್ತುವ ಹರನು ಬಾಳಿನೊಳು

@ಹನಿಬಿಂದು@

04.03.2023