ಆಸೆ

ಆಸೆ

ಅಳಿವಿನಂಚಿನಿಂದ ಉಳಿವಿನೆಡೆಗೆ ಮನ ಅರಳಲಿ

 ಗೆಲುವಿನಡೆಗೆ ಬದುಕ ರಥವು ಹಾದು ಹೋಗಲಿ

ಹಸಿ ಹಸಿರ ಸಾಲು ಇಕ್ಕೆಲಗಳಲ್ಲಿ ಅತ್ತಿತ್ತ ಬೆಳೆಯಲಿ 

ಮರಗಳಲಿ ಬಯಲು ಬೆಂಗಾಡು ತುಂಬಿ ತುಳುಕಲಿ 

ಸುಯ್ಯೆಂದು ಬೀಸುವ ತಳಿರ ತಂಗಾಳಿ ಬರಲಿ

ಸುರ್ರೆಂದು ಜಾರುವ  ಮಳೆ ಹನಿಯು ನಲಿದು ಬೀಳಲಿ

ಭೋರ್ಗರೆವ ಸಾಗರದಿ ಮಹಾ ಅಲೆ ಪುಟಿದು ಚಿಮ್ಮಲಿ

ಬದುಕ ನೌಕೆಯು ಅಂದದಿ ತೇಲಿ ದಡವ ಸೇರಲಿ

ಸಂತಸದ ಮೂಟೆ ಹೊತ್ತು ಜನ ತಿರುಗಿ ಅಂದದಿ ಬಾಳಲಿ

ಬೇಸರ ದುಃಖ ಕಷ್ಟಗಳ ಅಂದಕಾರದ ಛಾಯೆಯು ಓಡಿ ಹೋಗಲಿ

ಮನವೆಂಬುದು ಮಲ್ಲಿಗೆಯಂತೆ ಪರಿಮಳದ ಕಂಪು ಬೀರಲಿ

ನದಿ ಸಾಗರವ ಸೇರಿ ಪ್ರೇಮದಿ ಬೆಸೆದು ಒಂದಾಗಲಿ

@ಹನಿಬಿಂದು@

08.06.2026