ತುಲು ಬೆಲಗಡ್
ಜೈ ತುಲುನಾಡ್ ಏಪಲಾ ಜೈ ತುಲುವಪ್ಪೆ
ಜೋಕುಲು ಮಾನವ ಬಾಸೆ ಒರಿಯಡಪ್ಪೆ//
ಮಾನಾದಿಗೆ ತಿಕ್ಯರೆ ಮದಪ್ಪಂದೆ ಪಾತೆರೊಡು
ಸಾನದಿಗೆ ಬೆಲಗ್ದ್ ಬಗ್ ತ್ತಿಡ್ ಅಡ್ಡ ಬೂರೊಡು
ಉರೂರುಗು ತುಲು ಬಾಸೆದ ಪದೊಕ್ಕುಲು ಬಲಿಪ್ಪೊಡು
ಪರ ಊರುಡ್ದು ಬತ್ತಿನಕುಲು ನಮ್ಮ ಬಾಸೆ ಗಲಸೊಡು//
ಇರಿಯಕ್ಲೆ ಆಟಿದ ತಿನಸ್ ತಿನೊಡು
ನಮ್ಮ ಜೋಕ್ಲೆಗ್ಲಾ ಐತ ರುಚಿ ತೆರಿಯೊಡು
ಅಪ್ಪೆ ಬೇರ್ ನಮಕ್ ಒರಿಯೊಡು
ಊರು ಬಾಸೆ ಕಟ್ಟುಲು ಬೆಲಗೊಡು//
ಮೋನೆ ತೂನಗ ತೆಲಿಕೆ ಉರ್ಕಡ್
ಒಟ್ಟು ಸೇರ್ನಗ ಬಾಸೆ ಒಂಜಾವಡ್
ಬೇಲೆ ಬೆನ್ನಗ ಕೈಕುಲು ಜೋಡ್ಯಡ್
ಅಪ್ಪೆ ಪುದರ್ ಬನ್ನಗ ಉಸುಲು ಒಂಜಾವಡ್//
@ಹನಿಬಿಂದು@
08.08.2026
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ