ಸುಲಭವಿಲ್ಲ ..
ತಪವ ಮಾಡ ಹೊರಟು ತನು
ತಡೆಯಲಾರ ಇಹದ ದಾಹ
ತಡೆಯದಾದ ಸುಖದ ಭಾವ
ತಡವರಿಸಿದ ಮಂತ್ರೋಚ್ಛಾರ
ತಪ್ಪು ತಪ್ಪು ವಕ್ರ ವಕ್ರ ಗಮನ
ತೋರ್ಪಡಿಸದೆ ಸುಮ್ನೆ ಕುಳಿತ
ತಳಮಳವು ಮೈ ಮನದೊಳು
ತಡೆಯದಾದ ತಾಕಲಾಟಗಳನು
ತೋಳ ಗಟ್ಟಿ ಹಿಡಿದು ತಮ್ಮ
ತಳ್ಳ ತೊಡಗಿದ ಕ್ಷಣಗಳನು
ತಪಸ್ಸು ನೇರ ಹೋಗದೆ ಓರೆಯಾಯಿತು
ತಮಸ್ಸು ಬರದೆ ಕುಳಿತದ್ದು ಸುಮ್ಮನಾಯಿತು
ತಿನ್ನುವಂಥ ಜೀವವದು ಉಪವಾಸ ಇರುವುದೇ?
ತಪವು ಕುಳಿತುಕೊಂಡ ಹಾಗೆ ಸುಲಭವಿರುವುದೇ?
ತಪವ ಬಿಟ್ಟು ಓಡಿಹೋಗಿ ಮನೆಯ ಸೇರಿದ
ತಪವು ಎನಗೆ ಬೇಡವೆನುತ ತಾನೇ ಹೇಳಿದ
ತಮಾಷೆ ಮಾಡಿ ನಕ್ಕ ಹಾಗೆ ಅಲ್ಲ ಜೀವನ.
ಪ್ರತಿ ಕಾರ್ಯಕೂ ಕಠಿಣ ನಿರ್ಧಾರ ಬೇಕಿದೆ
ತತ್ವವರಿತು ಪಾಲಿಸುತ ಬಾಳಬೇಕಿದೆ.
@ಪ್ರೇಮ್@
26.05.2020
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ