ಗಣಮಾಮ ಬಂದ

ಗಣ ಮಾಮ ಬಂದ

ಗಣ ಮಾಮ ಬಂದ

ಕಾಯಿ ಕಡುಬು ತಂದ

ಕಬ್ಬು ಬೆಲ್ಲ ಸವಿದ

ಪಂಚ ಕಜ್ಜಾಯ ತಿಂದ

ಪೂಜೆ ಮಾಡಿಸಿ ಮೆರೆದ

ಬಣ್ಣದ ಕಾಗದದಿ ಸಿಂಗರಿಸಿಕೊಂಡ

ಬಾಳೆಯ ಬದಿಯಲ್ಲಿರಿಸಿದ

ಮಾವಿನ ಎಲೆಯ ತೋರಣ ನೋಡಿದ

ಲಡ್ಡು ಪಾಯಸ ಪರಿಮಳ ಸವಿದ

ಉಳಿದುದ ನಮಗೆ ಪ್ರಸಾದ ನೀಡಿದ

ಹೂವು ಹಣ್ಣನು ಎದುರಿಗಿಸಿಕೊಂಡ

ಕಣ್ಣನು ತೆರೆದು ಮುದವನು ನೀಡಿದ

ತಾಯಿಯ ಜೊತೆಯಲಿ ತಾ ಕುಳಿತ

ಗಂಗೆಯ ನೋಡುವ ಆಸೆಯಲಿದ್ದ

ಪೂಜೆಯ ಪಡೆದು ಹರಸುತ ನಡೆದು

ನೀರಿನ ಹೊಂಡದಿ ಮುಳುಗೇ ಬಿಟ್ಟ..

@ಪ್ರೇಮ್@

24.08.2020