ಗಝಲ್-ಗೈರ್ ಮುರದ್ದಫ್ ನ ಇನ್ನೊಂದು ಆಯಾಮ ಹಾಗೂ ಜುಲ್ ಕಾಫಿಯಾ ಗಝಲ್

ಗಝಲ್-ಗಝಲ್-ಗೈರ್ ಮುರದ್ದಫ್ ನ ಇನ್ನೊಂದು ಆಯಾಮ ಹಾಗೂ ಜುಲ್ ಕಾಫಿಯಾ ಗಝಲ್

ಗಗನದೆತ್ತರಕೆ ಏರುವ ತುಡಿತ

ಮನಸ್ಸಿನಾಳಕೆ ಇಳಿಯುವ ಮಿಡಿತ

ಇರಲಾರೆ ನೋವಿನರಿವ ಬಿಟ್ಟು

ಚೇತನಕ್ಕೆ  ಕಲಿಯುವ ಕೆರೆತ!

ಭವಿಷ್ಯದ ಬಗೆಗೊಂದು ನೋಟ

ಆತ್ಮ ಜ್ಞಾನ ಹೆಚ್ಚಿಸಿಕೊಳ್ಳುವ ನೆಗೆತ!

ಇತರರ ಮಾತ ಕೇಳಿ ಬೇಸರ

ಬೇಡ ಪರರೆದುರು ಬಗ್ಗುವ ತುಳಿತ!

ಮಂದಿರದ ದೇವರಲೂ ಬೇಡಿಕೆ

ನಿತ್ಯ ಮಾಡೆನ್ನ ಜೀವನವ ಹರಿತ!

ಭಾವಗಳ ಮೇಳೈಕೆ, ಒದ್ದಾಟ ಒಳಗೊಳಗೆ 

ಕುದುರೆಯಂತೆ ಸಾಗಿದೆ ತನುವ ಕುಣಿತ!

ಶುದ್ಧ ಪ್ರೇಮವ ಅನುಭವಿಸಿದವನೇ ಜಾಣ

ಮಾಡುವೆ ಶಿವನಿಗೆ ಜೀವವ ಅರ್ಪಿತ!

@ಪ್ರೇಮ್@

22.09.2020