ಬರಹ

ಬರಹ

ಬರೆದೆನೆನುತ ಮೆರೆಯದಿರು 

ತಲೆಬರಹವ ನೀ ಮರೆಯದಿರು

ಹಣೆಬರಹವ ನಾ ಓದಲಾರೆ 

ಭಾವಗಳ ತೊಳಲಾಟ ನೀಗಲಾರೆ

ಬರಹ ಓದುವಂತಿರಲಿ

ನಗೆಯ ಉಕ್ಕಿಸೋ ಶಕ್ತಿ ಇರಲಿ

ಕಹಿಯ ಮರೆಸೋ ಮೌನವಿರಲಿ

ಸಿಹಿಯ ಕೊಡುವ ಪದಗಳಿರಲಿ

ಭಯದ ಗುಣವು ಓಡುತಿರಲಿ 

ಬಡವರನ್ನು ಎತ್ತುವಂತಿರಲಿ

ಬಡತನವನ್ನು ಅಳಿಸಿ ಬಿಡುವ

ಬಡಬಾಗ್ನಿಯು ತುಂಬಿರಲಿ

ಕಡು ಕೆಲಸದ ಕೆತ್ತನೆಯ

ನಡು ಬಿಸಿಲಿನ ಬೆವರ ಹನಿಯ

ಬಿಡುವಿಲ್ಲದ ಬಿದಾರದೊಳಗೆ

ಬೀಡು ಬಿಟ್ಟ ಹಸಿದ ಉದರ 

ಇದರ ಕೆಲಸ ಅನುರಣಿಸಲಿ

ಬರೆದ ಬರಹ ಮಾಸದಿರಲಿ

ತನುಮನವ ಬೆಸೆದಿರಲಿ

ಕನಸ ಗೂಡು ಮುಟ್ಟುತ್ತಿರಲಿ 

ಚಟ ಪಟ ಸಿಡಿಸೋ ಮಾತಿದು

ದುಡ್ಡಿನ ಗುಣ ತಿಳಿದಿರಲಿ

ಪರರ ಮೇಲೆ ಕರುಣೆ ಬರಲಿ

ಜಾತಿ ಮಾತವ ಕಿತ್ತೊಗೆಯಲಿ

ಮೇಲು ಕೀಳು ಹೊಡೆದೋಡಿಸಿ

ಮಾನವತೆಯ ಬೆಳೆಸಿಕೊಳಲಿ

ತರ ತರದ ಮದ್ದು ಇರಲಿ

ಪರ ಪರ ಕೆರೆಯೋನಿಗೂ ಸುಖವಿರಲಿ

ವರವನು ಕೊಡೋ  ದೇವನಿಗೆ ಕೇಳಿಸಲಿ

ಬರಹದುಸಿರು ಶಾಶ್ವತ ಇರಲಿ

@ಹನಿಬಿಂದು@

15.12. 2024