ಅವನು

ಅವನು

ಬಳೆ ಮಾರಿ, ಗುಜಿರಿ ಹೆಕ್ಕಿ

ವಿಂಗಡಿಸಿ ರಾಶಿ ಹಾಕಿ

ಪಿನ್ನು, ಗೊಂಬೆ, ಪೇಪರ್

ಬಟ್ಟೆ -ಬರೆ , ಮೀನು-ಮಾಂಸ

ಪಾತ್ರೆ - ಪಗಡಿ ತಿಂಡಿ - ಗಿಂಡಿ

ಏನಾದರೂ ಸರಿ ಕೂಲಿ ಕಾರ್ಯ

ಆದರೂ ಆದೀತು ಬಾಳಿಗೆ!

ಮಾರಿ, ದುಡಿದು, ದಣಿದು

ಬೆವರಿಳಿಸಿ ಹಗಲು ಇರುಳು

ಕಾಯಕದಿ ದೇಹ ದಂಡಿಸಿ

ಎಲ್ಲರೂ ಮಾಡುವುದು

ಹೊಟ್ಟೆ ಬಟ್ಟೆ ಕುಟುಂಬಕ್ಕಾಗಿ

ದಂಧೆ ಕೊಲೆ ಕಳ್ಳತನ

ಪರ ನಾರಿಯ ಮಾನಭಂಗ

ನಾಯಿ ಬೆಕ್ಕಿನ ಪ್ರಾಣಭಂಗ 

ಎಲ್ಲವೂ ಯಾಕಾಗಿ ಜಗದಿ

ಕುಟುಂಬದ ಹಿತಕ್ಕಾಗಿ

ಪರರ ಹಿಂಸಿಸಿ ಭಂಜಿಸಿ

ಇತರರ ಕದ್ದು ಒದ್ದು ಬಿದ್ದು

ಪೆಟ್ಟು ತಿಂದು. ಕೊಟ್ಟು ಪಡೆದು

ಹಲವರಿಗೆ ಮನ ನೋಯಿಸಿ ಬೈದು

ತಾ ಮೂರು ಹೊತ್ತು ತಿಂದು 

ತಿನ್ನದೆಯೇ ಮನೆಗೆ ತಂದು

ಬಿಸಾಕಿ ಹೊಸಕಿ ಕೆದಕಿ

ತದುಕಿ ಹೇಗೋ ಬದುಕಿ

ಮತ್ತೇಕೆ  ಇದೆಲ್ಲಾ ಗೋಳು?

ಒಂಟಿ ಜೀವಕ್ಕೆ ಕಷ್ಟವೇ ಬಾಳು

ಎಲ್ಲವೂ ಹೊಟ್ಟೆಗಾಗಿ 

ಕುಟುಂಬದ ಜವಾಬ್ದಾರಿಗಾಗಿ

@ಹನಿಬಿಂದು@

14.10.2024