ಪ್ರಾರ್ಥನೆ

ನಮನ

ಭಾರತ ಮಾತೆಯೆ ನಿನ್ನನು ನಮಿಸುವೆ

ಕಾಯುತಲಿರುವೆ ನೀ ನನ್ನ//

ಕೈಗಳ ಮುಗಿದು ಚರಣವ ಪಿಡಿದು

ಬೇಡುವೆ ರಕ್ಷಿಸು ಕಂದರನ್ನ//

ಕಾಣದ ಕೈಗಳ ಅವತಾರ ತಡೆ ನೀ

ಮೊರೆಯು ನಿನ್ನಲ್ಲಿ ಕೇಳಮ್ಮ 

ಮಾಡಿದ ಕಾರ್ಯಕೆ ಜಯವದು ಸಿಗಲಿ

ಆಶೀರ್ವಾದವ ನೀಡಮ್ಮ//

ಜಯ ಜಯ ಮಾತೆ ಸರ್ವವಿಧಾತೆ

ನಮ್ಮಯ ಪ್ರಾರ್ಥನೆ ನಿನಗಮ್ಮ

ಕರುವನು ಮುಗಿದು ಬೇಡುವೆ ನಿತ್ಯ

ಶಾಂತಿ ಸಹನೆಯ ದಯಪಾಲಿಸಮ್ಮ//

ಚಿನ್ನ ವಜ್ರ ವೈಢೂರ್ಯಕ್ಕಿಂತ

ಆರೋಗ್ಯ ಭಾಗ್ಯವು ಮಿಗಿಲಮ್ಮ

ಬಣ್ಣ ಬಣ್ಣದ ಲೋಕಕ್ಕಿಂತ

ಸತ್ಯದ ಬದುಕದು ಬೇಕಮ್ಮ//

ನಮಿಸುವೆ ತಾಯೆ ಶರಣಾಗಿ ಇಂದು

ನಿನ್ನಯ ಮಕ್ಕಳ ಕಾಯಮ್ಮ

ಉತ್ತಮ ಗಾಳಿ ಶುದ್ಧ ನೀರು

ಒಳ್ಳೆಯ ಆಹಾರ ಸಿಗಲಮ್ಮ//

@ಹನಿಬಿಂದು@

30.07.2026