ತೂಯೆರಾಪುಜಿ ನಮಕ್
ಬರಿತ ಇಲ್ಲದಾರ್ ಕಟ್ಟಿನ ಮಲ್ಲ ಇಲ್ಲ್ ನ್ ತೂಯೆರಾಪುಜಿ ನಮಕ್..!
ಮಿತ್ತ್ ದ ಇಲ್ಲದ ಮಾಮಣ್ಣನ ಮಲ್ಲ ಕಾರ್ ನ್ ತೂಂಡ ಆವಂದ್ ನಮಕ್!!
ತಿರ್ತ್ ದ ಇಲ್ಲದ ಕಾಂತಣ್ಣನ ತೋಟದ ಎಡ್ಡೆ ಬುಲೆನ್ ತೂನಗನೆ ಅರೆನ ಮಿತ್ತ್ ಕೋಪ ನಮಕ್!
ಮೂಲೆದಿಲ್ಲದ ನಯನಕ್ಕ ಬೇಲೆಗ್ ಆಫೀಸ್ ಗ್ ಸೇಲೆಡ್ ಪಿದಾಡೊಂದು ಪೋಪಿನೆನ್ ತೂಯರಾವಂದ್ ನಮಕ್!!
ಬೆಂದ್ ದ್ ಒರಿಪಾಯಿನ ಕಾಸ್ ಡ್ ಗೆತೊಂದಿನ ರಾಮಣ್ಣನ ಮಗನ ಬೈಕ್ ಬರಿಯೆ ಬನ್ನಗನೆ ಕೋಪ ನಮಕ್!
ಸುಂದರಿ ಅಕ್ಯೆನ ಮಗಳೆಗ್ ಬೇಲೆ ತಿಕ್ಕಿ ಬೊಕ್ಕ ಅರೆನ್ ತೂನಗನೆ ಪುಲಿ ನಮಕ್!
ಇನ್ ವರ್ಟರ್ ಪಾಡ್ದ್ ಮಶೀನ್ ಗಿಡಪುನ ಕಾಂತಪ್ಪಣ್ಣನ ಸಾಹಸಗ್ ನಂಜಿ ನಮಕ್!
ಪೊಸ ಅಂಗಡಿ ಪಾಡ್ದ್ ಎಡ್ಡೆ ಬೇರ ದೆಪ್ಪುನ ಮುತ್ತಪ್ಪಣ್ಣನ ಮಿತ್ ದೃಷ್ಟಿ ನಮಕ್!
ದಾಲ ಸಂಬಂಧ ಇಜ್ಜಿಡಲಾ ಬೇತೆ ಒರಿ ದುಂಬು ಪೋಯೆಡ ತೂಯರಾಪುಜಿ ನಮಕ್!
ಮಲ್ಲ ಇಲ ಕಟ್ಟಾಯಿನಾಯೆ, ಖರ್ಚಿ ಮಲ್ತಿನಾಯೆ ಬೇತೆ ತಾದಿಡ್ ಪೋತೆಂದೇ ಎನ್ನಿಕೆ ನಮಕ್!!
ಅಂಚ ದಾಯೆ ಲೋಕದ ಜನ?
ಮಿತ್ತ್ ಪೋಯಿನಾಯೆ ಪೋವಡ್!
ನಮಲ ಬೆನ್ಕ! ನಮಲ ಸಾಧನೆ ಮಲ್ಪುಗ!
ಬೆಂದಿನಾಯಗ್ ಏಪಲ ಸುಖ ಉಂಡುಗೆ!
ಹಿರಿಯಕ್ಲೆನ ಈ ಪಾತೆರೊನು ನೆನಪು ದೀಕ!
@ಪ್ರೇಮ್@
13.05.2019
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ