ಶುಭಾಶಯಗಳು

ಬೆಳಗಲಿ ಬಾಳು

ಪರರು ಕಂಡ ಹಾಗಲ್ಲ ನೀವು

ಮಾತಿನಲಿ ಮೆಚ್ಚಿಸುವ ಗುಣ ನಿಮ್ಮದಲ್ಲ

ನಿಮ್ಮೊಡನೆ ನಿಮ್ಮಂತೆ ಇರಬೇಕೆಂದರೆ

ಹೃದಯದಲಿ ಮಚ್ಚಿರಬಾರದು..

ಅಬ್ಬಾ..ಅದೇನು ಸಹನೆ ಒಳಗೆ

ಹೊರಗೆ ಜವಾಬ್ದಾರಿಯುತ ದರ್ಪ

ತಪ್ಪು ಮಾಡದಿರೆ ಬಗ್ಗುವ ಮನವಲ್ಲ

ಪ್ರೀತಿಯ ಪ್ರಶ್ನೆಗೆ ಪ್ರೀತಿಯುತ್ತರ

ಪ್ರೀತಿ ಕಡಲಲ್ಲಿ ಮಿಂದೇಳಿಸುವ ಪರಿ

ಪ್ರೀತಿಯಲೆ ಹೃದಯ ಗೆಲುವಿರಿ

ಮುಖದ ಕಿರುನಗೆ ಸರ್ವರಿಗೆ ಓದಲಾಗದು

ಒಂಥರಾ ಸಿಟ್ಟಿನೊಳಗಿನ ಗುಟ್ಟು

ಬಲ್ಲವನೇ ಬಲ್ಲ ಬೆಲ್ಲದ ಸವಿಯ

ನಿಮ್ಮೊಡನೆ ಬೆರೆತವಗೆ ಗೊತ್ತು ನಿಮ್ಮೊಲವ

ಪಡೆದವ ಪುಣ್ಯವಂತ ನಿಮ್ಮ ಗೆಳೆತನವ

ಕತ್ತಿಗೆ ಕತ್ತಿ ಮುತ್ತಿಗೆ ಮುತ್ತು

ಅದೆಷ್ಟು ಗಾಂಭೀರ್ಯತೆ ತುಂಟತನ

 ಎಲ್ಲಾ ಕಲಿಯಬೇಕಿದೆ ನಮ್ಮ ಮನ

ಅದೊಂದು ದಿಟ್ಟತನ, ಛಲ

ಯಾರಿಗೂ ಸೋಲದ ಅಚಲ ಬಲ

ಬೇರೆ ತನ್ನದು ಎನ್ನದ ಭಾವ

ಶಾಂತಿಯ ಬಯಸುವ ಮನೋಭಾವ

ಕೆಟ್ಟದೆಂದರೆ ಆಗದ ಸದ್ಭಾವ

ಮೆಟ್ಟಿ ನಿಲ್ಲುವ ದೃಢ ಸ್ವಭಾವ

ನಿಮಗೆ ನೀವೇ ಸಾಟಿ

ನಿಮ್ಮ ತಿಳಿದವರು ಕಡಿಮೆ

ಅರ್ಥೈಸಿದವರು ಎಂದೂ 

ಮರೆಯಲಾರರು ನಿಮ್ಮೊಲವ ಹಿರಿಮೆ

ಬಾಳಿ ಬದುಕಿ ಸಾವಿರ ವರುಷ

ತುಂಬಿರಲಿ ಸದಾ ಉಕ್ಕುವ ಹರುಷ

ಬರಿದಾಗದೆ ಇರಲಿ ವಿರಸ ಸರಸ

ಸದಾ ಬೆಳಗುತ್ತಾ ಬಾಳ ಖುಷಿ

ಹುಟ್ಟು ಹಬ್ಬದ ರಸ ನಿಮಿಷ

ಬರುತಲಿರಲಿ ವರುಷ ವರುಷ

ತರುತ್ತ ಬಾಳಲಿ ಮತ್ತೆ ಸಂತಸ

ನೆನಪಿಸುತ್ತಾ ಹಿಂದಿನ ನವರಸ

ಶುಭಾಶಯಗಳೊಂದಿಗೆ 

@ಹನಿಬಿಂದು@

25.02.2024