ಕಾತರವಿರಲಿ

ಕಾತರವಿರಲಿ

 ಆತುರ ಬೇಡ ಕಾತರವಿರಲಿ

ನಾಳೆಯ ಬಗೆಗಿನ ಬಾಳಿನಲಿ

ಸೂತ್ರದಾರನು ಮೇಲೆಯೆ ಇರುವನು

ಮಾತನಾಡದೆ ಮೌನದಲಿ

ರಾತ್ರಿಯೆ ಇರಲಿ ಹಗಲೇ ಆಗಲಿ

ತನುವಿಗೆ ಬೇಕು ವಿಶ್ರಾಂತಿ

ಜಾತಿ ಧರ್ಮಗಳು ಒಂದೇ ಆಗಿವೆ

ಮಾನವತೆಯ ಈ ಶ್ವಾಸದಲಿ

ಕಾಯಕ ಮಾಡದೆ ಕಾಯುತ ಕುಳಿತರೆ

ಸಿಗುವುದೇ ಹಸಿವಿಗೆ ಊಟ?

ಮಾಯದಿ ಬಂದು ತಥಾಸ್ತು ಎನುವನೆ

ಕೈಯಲಿ ಹಿಡಿದು  ಬಾಡೂಟ

ಕಸುವದು ಇರಲು ದುಡಿಯಲು ಬೇಕು

ಮಸಾಲೆ ತಿಂದ ದೇಹ

ದಣಿವು ಬಂದು ಕೇಳಲು ಉದಕವ

ಇಂಗಿಸಬೇಕು ದಾಹ..

@ಹನಿಬಿಂದು@

29.03.2024