ಮುಸ್ಸಂಜೆ

ಮುಸ್ಸಂಜೆ

ಬಾರೆ ಬಾರೆ ಮುಸ್ಸಂಜೆ ಹೊತ್ತಲ್ಲಿ

ತೋರೆ ಮೊಗವ ಪ್ರೀತಿಯ ತುತ್ತಲ್ಲಿ//

ಜಗವ ಮೆರೆವ ಆಸೆ ನನ್ನಲ್ಲಿ

ನಿನ್ನ ಹೊರತು ಯಾರಿಲ್ಲ ಬಾಳಲ್ಲಿ

ಸ್ನೇಹ ಪ್ರೇಮ ಮೋಹ ನೀನೇ

ಕ್ಷೇಶ ಕಳೆವ ಪ್ರಪಂಚ ತಾನೇ//ಬಾರೆ//

ಪಾರ್ಕು ಸಿನೆಮಾ ಹೋಟೆಲೆಮಗೆ

ಸುತ್ತಿ ಸುತ್ತಿ ಬಹಳ ಸಲುಗೆ

ನೀನು ನಾನು ನಾನು ನೀನು

ಪರರ ಚಿಂತೆ ನಮಗೆ ಏನು!//ಬಾರೆ//

ಬದುಕು ಎಲ್ಲ ನಿನ್ನ ಜೊತೆಗೆ

ಕಳೆಯುವಾಸೆ ಹೀಗೆ ನನಗೆ

ಪ್ರತಿ ಸಂಜೆಯೂ ನಡೆವ ಘಳಿಗೆ

ಕೈ ಹಿಡಿದು ಇರುವ ಬೆಸುಗೆ//ಬಾರೆ//

ಏಳೇಳು ಜನುಮ ಇದ್ದರೂನು

ನಿನ್ನ  ಜೊತೆಗೆ ತಾನೇ ನಾನು

ಭಯವು ಏಕೆ ನೀನೇ ಜೇನು

ಬಾಳಿನಲ್ಲಿ ನಾವೊಂದೆ ಅಲ್ವೇನು? //ಬಾರೆ//

@ಹನಿಬಿಂದು@

30.03.2024