ಪದರಾಜ

ಪದರಾಜ

ಹುಡುಕುವೆ ನಿನಗಾಗಿ

ಪದಮಾಲೆ ಹೆಣೆಯಲು

ಪದದೊಂದಿಗೆ ಪದಕಟ್ಟಿ

ಪಾದ ಪೂಜೆ ಮಾಡಲು..

ಪದದಲ್ಲೆ ಶೃಂಗಾರ ಮಾಡಿ 

ಪದ ಕುಸುಮದಲೆ ಪೂಜೆ

ಪದ ಪುಂಜದ ನಡುವಲೆ

ನಿನ್ನ ಪ್ರತಿಷ್ಠಾಪಿಸಿ ಬಿಡಲು

ಎದೆ ಪದದ ಜಪಮಾಲೆ

ನಿನಗಾಗಿ ಮೀಸಲಾಗಿಸಿ

ಕದ ತೆರೆದು ನೋಡೊಮ್ಮೆ

ನಿನ್ನ ಪದವಿಹುದು ಒಳಗೆ

ನನ್ನ ಪದ ಪ್ರಪಂಚದ ಕಾವಲಿಗ

ನನ್ನೊಳಗಿನ ಭಾವನೆಗಳ

ಪದ ರೂಪಕೆ ತರುವ ಹಂಬಲವ

ಬಿತ್ತುವ ರೈತ ನೀನು..

ಪದ ಪದ್ಮದಲಿ ಮೆರೆವ

ಪಾದುಕಾ ರಾಜನಂತಿರುವ

ಪದಕ ಧರಿಸದೆಯೂ ಮೇಲಿರುವ

ಪದಕ ಪಟ್ಟಿಯ ಮೊದಲ ಸ್ಥಾನ ನಿನಗೆ

@ಹನಿಬಿಂದು@

01.03.2024