ಹುಡುಕು

ಹುಡುಕು

ನಾನು ಕಳೆದು ಹೋಗಿದ್ದೇನೆ
ಕಳೆದೇ ಹೋಗಿದ್ದೇನೆ
ನನ್ನೊಳಗಿಂದ...
ನಿನ್ನೊಳಗಿರುವೆನೆ?
ಹುಡುಕಿ ನೋಡು ಒಮ್ಮೆ..
ಒಳಗಿರುವೆನೆ ನಿನ್ನ
ಹೊರಗೆ ಇರುವೆನೆ
ನಡುವೆ ಇರುವೆನೆ

ನಿನ್ನ ಒಳಗೆ ಹೊರಗೆ ನಡುವೆ
ತಪ್ಪಿದಲ್ಲಿ ಮನದ ಬದಿಗೆ
ಇಲ್ಲದಿರಲು ಹಿಂದೆ ಮುಂದೆ
ಮೇಲೆ ಕೆಳಗೆ ಎಲ್ಲಾ ನೋಡು
ನಿನ್ನ ಕಣ ಕಣಗಳಲ್ಲು
ಒಳಗೆ ಸೇರಿ ಹೋಗಿ
ಕರಗಿ ಹೋಗಿ ಕಾಣದಾಗಿ
ಮತ್ತೆ ಸೇರಿ ಹೋಗಿ
ಒಂದೇ ಆಗಿ ಬೇರೆ ಸಿಗದೆ
ಬೆರೆತು ಸೇರಿ ಹೋಗಿ

ಮತ್ತೆ ಹೇಗೆ ಹುಡುಕಿ ತಂದು
ಇಡಲು ನೀನು ನನ್ನ
ಹಾರಿ ಜಾರಿ ಹೋಗಲಾರೆ
ಅವಿತು ಒಳಗೆ ನಿನ್ನ
@ಹನಿಬಿಂದು@
26.03.2024