ಸಜ್ಜಿಗೆದ ಗೌಜ್ಜಿ
ಕಾಂಡೆದ ತಿಂಡಿಗ್ ದಾದಂದ್ ಕೇನ್ನಗ
ಸಜ್ಜಿಗೆ ಪoಡೆರ್ ದೊಡ್ಡ
ಬೋಂಟೆಗ್ ಪೋಯಿನ ಮಾಮಣ್ಣೆ ಬನ್ನಗ
ಬಜ್ಜಿಲ ಗುದ್ಯೆರ್ ಅಡ್ಡ..
ಸಜ್ಜಿಗೆ ಕಂತೆರ್ ಎಣ್ಣೆನ್ ಪಾಡ್ಯೆರ್
ಬಣಲೆನ್ ದಿಕ್ಕೆಲ್ ದೀದಾಂಡ್
ಕಾಯ್ಮುಂಚಿ ನೀರುಳ್ಳಿ ಮೂರುದು ದೀದ್
ಕಮ್ಮನೆದೊಗ್ಗರ್ಣೆ ಬಲ್ತಾoಡ್ ..
ಕೈದಿನ ಸಜ್ಜಿಗೆ ಪಾಡ್ ದ್ ಮಗ್ ತೆರ್
ರಡ್ಡ್ ಲೋಟೆ ನೀರ್ ಲ ಪಾಡ್ಯೆರ್
ಉಪ್ಪು ಸಕ್ಕರೆ ಬಿರ್ಕ್ ದ್ ಬುಡ್ಯೆರ್
ತಾರಯಿದ ಪೂ ಪಾಡ್ದ್ ಮಗ್ ತ್ತೆರ್..
ರುಚಿತ್ತ ಸಜ್ಜಿಗೆ ರೆಡಿ ಆಂಡ್ ತೂಲೆಗೆ
ಕಡಕ್ ಚಾ ಒಂಜಿ ಕೊದ್ದಿoಡ್
ಬಟ್ಟಲ್ ದೀಯೆರ್ ಮಾತೆರ್ಲ ಬತ್ತೆರ್
ರುಚಿ ರುಚಿ ಸಜ್ಜಿಗೆ ಮುಗಿದಾಂಡ್.
@ಹನಿಬಿಂದು@
15.09.2024
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ