ತುಡರ್ ಪರ್ಬ
ಬತ್ತ್ಂಡಕ್ಕ ಬತ್ತ್ಂಡಣ್ಣ ತುಡರ್ ಪರ್ಬಯೇ
ದೀಪ ಸಾಲ್ ತೋಜೊಂದುಂಡು ಮಾತ ಕಡೆಟ್ಯೇ//
ಸಾರ ಮಾನಿ ಕುಸಿನ್ ಪಟ್ದ್ ನಡಪಿ ಸೋಕುಯೇ
ಕಾರ್ ಪತ್ತಿ ನಟ್ಟಿ ವರನ್ ಮಲ್ಲಕ್ಲೆಡಯೇ....
ಬಲಿಯೇಂದ್ರೆ ಜತ್ತ್ ಬತ್ತ್ ತೂಪಿ ಪೊರ್ಲುಯೇ
ಎಣ್ಣೆ ಪೂಜಿ ಮೀಪಿ ಸುಖಲ ಏರೆಗುಂಡುಯೇ//
ಗುರ್ಕೆ ದಿಂಜ ನೀರ್ ಪಾಡ್ದ್ ತೂಪಿನೇರ್ಯೇ
ಬಲಿಯೇಂದ್ರಗ್ ಕೂ ಪಾಡುನ ದಾದ ಮರ್ಲ್ಯೇ
ಮಾಮಿ ಮರ್ಮಲ್ ಕೂಡ್ಡು ಮಲ್ತಿ ಅಟಿಲ ಕಮ್ಮೆನ
ಮಾಮು ಮರ್ಮಯೆ ಒಟ್ಟು ಕುಲ್ದು ಉನ್ಪಿ ಸಮ್ಮನ//
ಬಿನ್ನೆ ಇಷ್ಟೆ ದೋಸ್ತಿ ಪಂದ್ ಮಾತ ಬತ್ತೆರ್
ಪೊನ್ನೆ ಗೋಂಕು ಕುಕ್ಕುದ ಮರ ಮಾತ ತೂಯೆರ್
ಪೇಂಟೆಡಿತ್ತಿ ಜೋಕ್ಲು ಮಾತ ನಲ್ತ್ ತಿರ್ಗೆರ್
ಸೋಂಟೆ ಪತ್ದ್ ಕಂಡಡಕುಲು ಮಾತ ಬಲ್ತೆರ್ //
ದುರ್ಸು ಮಾಲೆ ಲಕ್ಷ್ಮಿ ಬಾಂಬು ಪುಡಾತ್ ಬುಡ್ಯೆರ್
ನೆಲ ಚಕ್ರ ಬೆದ್ರ ಪುಂಡೆಲ್ ತೂದು ನಲ್ತೆರ್
ಬೋಂಟೆ ದೇರ್ಯರೆಂದ್ ಪಂದ್ ಕಾಡ್ ಪೊಗ್ಯೆರ್
ಓಂಟೆ ಬೆತ್ತ ಕಂತ್ ಮಲ್ಲ ಬಟ್ಟಿ ಮಲ್ತೆರ್ //
@ಹನಿಬಿಂದು@
24.10.2024
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ