ಗಝಲ್
ನೂರು ಜಾತಿ ಧರ್ಮಗಳ ಕೊಚ್ಚಿ ಹಾಕಲಿ ಈ ಮಳೆ
ನಗರದೊಳಗಿನ ಕೊಳಚೆ ಪ್ರದೇಶಗಳ ಸ್ವಚ್ಛ ಮಾಡಲಿ ಈ ಮಳೆ..
ಮೋಸದಾಟದ ಸುಳ್ಳಿನೂಟವ ಕಾಮದ ನೋಟವ
ಭುವಿಯಿಂದಲೆ ದೂರ ತಳ್ಳಲಿ ಈ ಮಳೆ
ಹೂವ ಹಾಸಿಗೆ ಚುಂಬನದ ಮತ್ತನೀಯಲಿ
ಜನರಿಗತಿ ಸನಿಹದಲಿ ಖುಷಿಯ ಬರಿಸಲಿ ಈ ಮಳೆ
ಮನದ ಮುಸುಕನು ದೂರ ಸರಿಸಲಿ
ಬೆಳಕ ಬಾಳ್ವೆಗೆ ನೀಡಿ ಸಲಹಲಿ ಈ ಮಳೆ
ಸುರಿದು ಭೂಮಿಯ ಕಸವ ತೊಳೆಯಲಿ
ಎಲ್ಲ ಮೈಮನಗಳ ಶುದ್ಧೀಕರಿಸಲಿ ಈ ಮಳೆ
ರಾಜಕೀಯದ ಡೊಂಬರಾಟವ ಧೂಳೀಪಟಗೊಳಿಸಲಿ
ಮಾತಿನಲಿ ಕೃತಿಯಲಿ ಪ್ರೇಮದಾ ರಸವುಣಿಸಿ ಸರ್ವರ ತಣಿಸಲಿ ಈ ಮಳೆ.
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ