ನಗೆಯು ಬರುತಿದೆ..

ನಗೆಯು ಬರುತ್ತಿತ್ತಾ...

ನಾ ನಾ ನಾ ನಾ ನಾ ನಾ ನಾ ನಾ

ನಗೆಯು ಬರುತಿತ್ತಾ ಮಂತ್ರಿ...ನಗೆಯು ಬರುತಿತ್ತಾ....

ಅಕ್ಕ ತಂಗಿಯರು ಒಟ್ಟಿಗೆ ಕಲೆತು

ವಿದ್ಯಾ ಬುದ್ಧಿ ಪಡೆದು ಬೆಳೆತು

ತಮ್ಮಯ ಮನೆಯ ಸೇರಿದ ಬಳಿಕ

ತಂದೆ ತಾಯಿ ಆಸ್ತಿಯಲಿ ಪಾಲು ಕೇಳುವಾಗ ನಾ ನಾ ನಾ ನಾ ....

ಅಣ್ಣ ತಮ್ಮಂದಿರು ಜೊತೆಯಲಿ ಬೆಳೆದು

ದಾಯಾದಿಯಾಗಿ ದ್ವೇಷವು ಮೊಳೆದು

ನನಗೆ ನಿನಗೆ ಎನ್ನುತ ಜಗಳದಿ

ಒಬ್ಬರಿಗೊಬ್ಬರು ಹೊಡೆದಾಡುವ ಕಂಡು ನಾ ನಾ ನಾ ನಾ  ..

ತಂದೆ ತಾಯಿಯ ನೋಡದ ಮಕ್ಕಳು,

ಕೆಲಸಕ್ಕೆ ಹೋಗದೆ ಬಿದ್ದಿಹ ಸೋಮಾರಿಗಳು

ವಯಸಿನ ಹಿರಿಯರ ಕಡೆಗಾಣಿಸುತಲಿ

ತಮ್ಮಯ ಲೋಕದಿ ತಾವೇ ಮೆರೆವಾಗ ನಾ ನಾ ನಾ ನಾ....

ಗುರುಗಳ ಗಮನಿಸದೆ ಹಿರಿಯಗೆ ನಮಿಸದೆ

ಆಶೀರ್ವಾದವ ಎಂದೂ ಬೇಡದೆ

ತಾನೇ ಸರಿಯು ತಾನೇ ಅರಿತವ

ಎನ್ನುತ ಮೆರೆವ ಕಿರಿಯರ ಕಂಡು ನಾ ನಾ ನಾ ನಾ...

@ಪ್ರೇಮ್@

20.11.2021