ಆಸೆ

ಆಸೆ

ನಿನ್ನೆದೆಯ ಒಳ ಕುಳಿತು ಭಾವದೊಲುಮೆಯ ತಂತಿ ಮೀಟುವಾಸೆ

 ನಿನ್ನಂತರಂಗದ ಕದವ ತೆರೆದು ಒಳಹೊಕ್ಕು ಚಿಗುರುವಾಸೆ

 ತುಡಿತದ ಮಿಡಿತವಾಗಿ ಎದೆ ಗೂಡಲಿ ಅವಿತು ಕೂರುವಾಸೆ

 ಪ್ರೀತಿಯ ರಂಗಿನಾಟದಿ ಹೋಳಿಯಾಡುವಾಸೆ

ಕಣ್ಣ ಕ್ಯಾಮೆರಾದಲ್ಲಿ ನನ್ನೇ ನಾ ಸೆರೆ ಹಿಡಿಯುವಾಸೆ

ಬದುಕಿನ ಮರದ ಬುಡದಲಿ ಆಳಕಿಳಿವ ಬೇರಾಗುವಾಸೆ

 ಮೆದುಳಿನ ತುದಿಯ ಆಲೋಚನೆಯ ಮೂಲವಾಗುವಾಸೆ

ಕೈಯ ಊರುಗೋಲಿನ ಶಕ್ತಿಯಾಗುವಾಸೆ

 ಪಾದಕೆ ನನ್ನ ಪಾದವ ಒತ್ತಿ ನಡೆಯುವಾಸೆ

 ದೃಷ್ಟಿಗೆ ನನ್ನ ಕಣ್ಣಿನ ಕಾಂತಿ ನೀಡುವಾಸೆ

ಜೀವದ ಪ್ರತಿ ನಿಮಿಷಕ್ಕೂ ಉಸಿರಾಗುವ ಆಸೆ

ಕವನದ ಪ್ರತಿ ಸಾಲಿಗೂ ಪದವಾಗುವ ಆಸೆ

 ನಿನ್ನ ನಗುವಿಗೆ ಮೂಲ ಕಾರಣ ನಾನಾಗುವ ಆಸೆ

 ನಿನ್ನ ಕಾದಂಬರಿಗೆ ನಾನೇ ನಾಯಕಿಯಾಗುವ ಆಸೆ

 ಮೋಸ ವಂಚನೆ ದೂರ ಬಿಟ್ಟು ಹಗುರಾಗಿ  ನಕ್ಕು ಬಿಡುವಾಸೆ

ನಿನ್ನ ನೋವಿನ ಪ್ರತಿ ಕ್ಷಣವನ್ನೂ ನಲಿವು ಮಾಡುವಾಸೆ..

@ಪ್ರೇಮ್@

01.11.2021