ಧರೆಯಲಿ

ಧರೆಯಲಿ

ಮೊಳಕೆಯೊಡೆದಿದ್ದೆ ಅಂದು

ಚಿಗುರಿಸಿಕೊಂಡು  ಕನಸುಗಳ

ಗರಿಬಿಚ್ಚಿ ಬಾನಲ್ಲಿ ಹಾರುವ

ಹತ್ತು ಹಲವು ಹುಚ್ಚು ಆಸೆಗಳ ಹೊತ್ತು..

ತಾರೆಗಳ ನೋಡುತ್ತಾ

ತಾನೂ  ಬರುವೆನೆಂದು

ಹೇಳಿ, ಕೂಗಿ , ಕರೆದು ಹೇಳುತ್ತಾ

ಬಂಗಾರದ ಬಯಕೆ ಹೊತ್ತು..

ಎಲೆಯು ಮೊಳೆತಿತ್ತು 

ಕಳೆಯ ಅದುಮುತ್ತಾ

ಕೊಳೆಯ ತೆಗೆಯುವೆ 

ಬೆಳೆಯ ಬೆಳೆಯುವೆನೆಂಬ ಆಸೆಯಲಿ

ಧರೆಯಲಿ ಉಗಮ

ಕರೆಗಳ ನಡುವಿನಲಿ 

ಮೊರೆಯ ಇಡುತಲಿ 

ಕೆರೆಯ ಹಾಗಿನ ಬಾಳ್ವೆಗೆ..

ಆಸೆ ಮೊಳೆಯಿತೋ 

ಬಯಕೆ ಚಿಗುರಿತೋ

ಹತಾಶೆ ಹೆಚ್ಚಿತೋ

ಗುರಿಯ ತಲುಪಿತೋ ತಿಳಿಯದು

@ಹನಿಬಿಂದು@

16.06.2024