ಪಯಣ ಸಾಹುತಿಹುದು

ಪಯಣ ಸಾಗುತಿಹುದು

ಗೊತ್ತು ಗುರಿಯಿಲ್ಲದೆ

ನಿಂತಲ್ಲಿ ನಿಲ್ಲದೆ

ಪಯಣ ಸಾಗಿದೆ ದಿನವೂ ಹೀಗೆಯೇ

ಭಾವ ಬಳ್ಳಿಯು ಬೆರೆತ  ಹಾಗೆಯೇ

ಸಹಸ್ರ ಗೆಳೆಯರೂ

ಸಾಸಿರ ಬಂಧುಗಳೂ

ಜತೆ ಸೇರಿ ಸಾಗುತಿಹೆವು ಮುಂದಾಗಿ

ಆದರೂ ಜೀವಿಸುತಿಹೆವು ಒಂಟಿಯಾಗಿ

ಬಾಳಿಗೊಂದು ಜೊತೆ ಬೇಕು

ಬಾನಿಗೊಂದು ರವಿ ಬೇಕು

ಜಂಟಿ ಹುಡುಕಿ ಗಂಟು ಹಾಕಿಕೊಂಡು

ಮಕ್ಕಳು ಮರಿ ಹಿರಿ ಕಿರಿಯರ ಕಟ್ಟಿಕೊಂಡು

ಸಾಗುತ್ತಾ ಮುಂದೆ

ದುಡಿಯುತ್ತಾ ನಿತ್ಯ

ನಾಳೆಗಾಗಿ ಹೊಸ ಹೊಸ ಕನಸುಗಳು

ನಿನ್ನೆ ಮೊನ್ನೆಯ ಮಧುರ ನೆನಪುಗಳು

@ಹನಿಬಿಂದು@

04.06.2024