ವಿಶ್ರಾಂತಿ

ವಿಶ್ರಾಂತಿ

ಅದೇಕೋ ಏನೋ ದೇಹವೀಗ ವಿಶ್ರಾಂತಿ ಕೇಳದು

ಇನ್ನಷ್ಟು ದಿನ ದುಡಿದು ಬಿಡು, ಬದುಕು ಬೇಕೆಂದು

ಖಾಯಿಲೆ ಇರದವ ಧರೆಯಲಿ  ಶೂನ್ಯ

ರೋಗವು ಬರುವುದು ಸರ್ವೇ ಸಾಮಾನ್ಯ 

ನೋವು ನಲಿವು ಬದುಕಲಿ ಮಾನ್ಯ

ಕಷ್ಟ ಸುಖದಲಿ ಬಾಳು ನಡೆಯಬೇಕು

ಸಿಹಿ ಕಹಿಯಲಿ ದಿನಗಳ ನಡೆಸಬೇಕು

ನಾಳೆ ಎಂಬ ಕನಸುಗಳ ಕಟ್ಟಬೇಕು

ಇಂದು ಖುಷಿಯ ಹಂಚುತಲಿ ಸಾಗಬೇಕು

ಅಸತ್ಯ ಸತ್ಯ ಸುಳ್ಳು ಮೋಸಗಳ ನಡುವೆ

ಭತ್ಯೆ ಪಡೆಯದೆ ಕೆಲಸ ಸಾಗಲುಂಟೆ ಇಲ್ಲಿ!

ನಾನು ನೀನು ಅವನು ಇವನೆಂಬ ತಂತ್ರ

ಸರ್ವರಿಗೆ ತಿಳಿದರೂ ತಿಳಿಯದ ಕುತಂತ್ರ

ಇಲ್ಲಿ ದುಡಿತ ಇಲ್ಲದೆ ಇಲ್ಲ ಬದುಕ ಸಾರ

ವಿಶ್ರಾಂತಿ ಬಂದೇ  ಬರಲಿದೆ ದೂರ

ಮಾಡುತಿಹೆವು ಅಲ್ಲಿ ಇಲ್ಲಿ ನಿತ್ಯ ಕಾರ್ಯ

ಬಿಡಲಿಲ್ಲೆವು ಪಕ್ಕದ ಮನೆಯ ವಿಚಾರ

ನಮ್ಮದೇನಿದೆ ಇಲ್ಲಿ ಬಿಟ್ಟು ಹೋಗಬೇಕು ಎಲ್ಲಾ

ಸಂಬಂಧ, ಆಸ್ತಿ, ಹಣ ಒಡವೆ ಐಶ್ವರ್ಯ

ಎಲ್ಲವೂ ಏಕೆ ಕೊನೆಗೆ ಹೊತ್ತ ದೇಹವೂ ಇಲ್ಲಿಯೇ

ನಮ್ಮದೆನುವುದು ಕೇವಲ ಉಸಿರ ಬೆಳಕೊಂದು ಮಾತ್ರ

@ಹನಿಬಿಂದು@

15.06.2024