ಕೈಕುಲು
ನಮ್ಮಕ್ಲೆನ ಕೈಕುಲು ಒರ ತಿಕ್ಕಿನ ಖುಷಿಕ್ ಕೈ ಕೊರ್ದು
ಅಲ್ಗದ್ ತರ್ಕ್ ಪತ್ತುನ ಮಾತ್ರ ಅತ್ತ್ !
ನಮ್ಮಕ್ಲೆ ನ ಕೈಕುಲು ಗುಂಡಿಗ್ ಬೂರಿನ ನಮನ್ ದೆರ್ತ್
ಪತ್ತುನವು, ಪತ್ ದೆರ್ತ್ ಪಾಡೊಡಾಯಿನವು!
ನಮ್ಮಕ್ಲೆನ ಕೈಕುಲು ನಮ್ಮ ಕಣ್ಣೀರ್ನ್ ಒರೆಸೊಡಾಯಿನ ಕೈತಲ ಪುರ್ಪೊಲು
ನಮ್ಮಕ್ಲೆನ ಕೈಕುಲು ನಮನ್ ಬೂರ್ಯರೆ ಬುಡಂದೆ ನಮ್ಮೊಟ್ಟಿಗೆ ಉಂತುನ ಉಡಲ ಸೊತ್ತುಲು!
ನಮ್ಮಕ್ಲೆನ ಕೈಕುಲು ನಮಕ್ ನುಪ್ಪು ಬಾಯಿಗ್ ದೀಪಿನ ಸೊಲ್ಮೆದ ಮುಡಿಪುಲು
ನಮ್ಮಕ್ಲೆನ ಕೈಕುಲು ನಮ ಜೆಪ್ಪುನಗ ತೂಂಕುದು ತಟ್ಟುನ ಬೊಳ್ಳಿದ ದೀಪೊಲು!
ನಮ್ಮಕ್ಲೆನ ಕೈಕುಲು ನಾಲಯಿ ತತ್ತ್ಂಡ ಕಿನ್ಕ್ ದ್ ಸರಿ ಮಲ್ಪುನ ಸೂಜಿಲು
ನಮ್ಮಕ್ಲೆನ ಕೈಕುಲು ಜಾರ್ನಗ ಸರ್ತ ಉಂತವುನ ಬೇಲಿದ ಗೂಟೊಲು!
ನಮ್ಮಕ್ಲೆನ ಕೈಕುಲು ಬೆರಿ ತಟ್ಟ್ ದ್ ಸಾಯ ಕೊರ್ದು ಯಾನುಲ್ಲೆ ಪನ್ಪಿನವು!
ನಮ್ಮಕ್ಲೆನ ಕೈಕುಲು ಲಕ್ಕದ್ ಕುಲ್ಲದ್ ಬೇಲೆ ಕೊರ್ದು ನಮ್ಮ ಕಾರ್ಡ್ ನಮನ್ ಉಂತವುನವು !!
@ಹನಿಬಿಂದು@
25.11.2024
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ