ಏಕೆ ಬಂತು ಸ್ವಾತಂತ್ರ್ಯ?
ಹೊಸ ಹೊಸ ಪಕ್ಷಗಳ ಕಟ್ಟಲು,
ಮತದಾರನ ಚುನಾವಣೆ ಬಳಿಕ ಮೋಸಗೊಳಿಸಲು,
ಗೆದ್ದ ಮೇಲೆ ದುಡ್ಡು ಗಳಿಸಲು,
ಪ್ರತಿ ಮತಗಳಿಗಾಗಿ ನೋಟು ಹಂಚಲು,
ಬಂತು ನಮಗೆ ಸ್ವಾತಂತ್ರ್ಯ!!!
ಕಳಪೆ ಕಾಮಗಾರಿಯಿಂದ ಕಟ್ಟಡ ಕಟ್ಟಲು,
ವರ್ಷದಿ ಕೊರೆಯುವ ರಸ್ತೆಯ ನಿರ್ಮಿಸಲು,
ಬೇಗನೆ ತುಂಡಾಗೋ ಸೇತುವೆ ಜೋಡಿಸಲು!
ನೀರು ಬರದಿರೋ ಬೋರ್ವೆಲ್, ಬಾವಿಯ ತೋಡಲು,
ಬಂತು ನಮಗೆ ಸ್ವಾತಂತ್ರ್ಯ!!!
ಬಡವರ ಅಕ್ಕಿಯ ಗುಳುಂ ಮಾಡಲು,
ಮಕ್ಕಳ ಸೈಕಲ್ ನಲ್ಲೂ ಒಳ ಹಾಕಲು!
ಊಟದ ಪಾತ್ರೆಗೆ ವಿಷವನು ಬೆರೆಸಲು,
ಸಿಕ್ಕಿಹ ಸಮಯವ ಮೊಬೈಲಲಿ ಕಳೆಯಲು,
ನಮಗೆ ಬಂತು ಸ್ವಾತಂತ್ರ್ಯ!!!
ಮನಗಳ ನಡುವಿನ ಪ್ರೀತಿಯ ತುಂಡರಿಸಲು,
ಜಾತಿಯ ತಾಯಿಬೇರನು ಆಳಕೆ ಊರಲು!
ಮತಗಳ ಹೆಸರಲಿ ಸಂಘವ ಬೆಳೆಸಲು!
ದೇಶದ ಐಕ್ಯತೆ ಒಡೆದು ಚೂರಾಗಿಸಲು,
ನಮಗೆ ಬಂತು ಸ್ವಾತಂತ್ರ್ಯ!!!
@ಪ್ರೇಮ್@
04.08.2019
