ಜೀವನ
ನೀನು ಸಿರಿವಂತನಾಗಿ ಬದುಕುವುದ ನಾ ನೋಡಲಾರೆ!
ನೀನು ಕಾರಿನಲ್ಲಿ ಕುಟುಂಬದೊಂದಿಗೆ ರಜಾ ದಿನಗಳಲಿ ಸುತ್ತುವುದ ನಾ ಸೈರಿಸಲಾರೆ!
ನೀನೇ ದುಡಿದ ಹಣದಿ ನಿನ್ಮ ಹೆಂಡತಿ ಮಕ್ಕಳಿಗೆ ಉಡುಗೊರೆ ಕೊಡುವುದ ನಾ ತಾಳಲಾರೆ!
ನಿನ್ನ ಸಂಬಳದ ಉಳಿತಾಯದಿ ನೀ ಕಟ್ಟಿಸಿದ ಬಹು ಮಹಡಿಯ ಮನೆಯ ನಾ ನೋಡಿ ಸುಮ್ಮನಿರಲಾರೆ!
ನೀ ವೃತ್ತಿಯಲಿ ಪದೋನ್ನತಿ ಪಡೆಯುವುದನು ನಾ ಅರಗಿಸಿಕೊಳ್ಳಲಾರೆ!
ನಿನ್ನ ಮನೆಗೆ ತಂಪಿನ ಪೆಟ್ಟಿಗೆ, ಸ್ಮಾರ್ಟ್ ಟಿವಿ, ಸ್ಪೀಕರ್, ಬಂದರೆ ನಾ ಅದು ಹೇಗೆ ಸುಮ್ಮನಿರುವೆ?
ನೀನೆನಗೆ ಸಂಬಂಧಿಯಲ್ಲ,
ಆದರೂ ಹೊಟ್ಟೆಕಿಚ್ಚು ಬಿಡಬೇಕಲ್ಲ!
ನಿನ್ನ ನಗೆ ಕೊಲ್ಲುವುದೆನ್ನ ಹೃದಯ!
ನೀ ನನಗಿಂತ ಮೇಲೇರಬಾರದು!
ನಿನ್ನ ಏಳಿಗೆಯ ಸಹಿಸದವನು ನಾನು!
ನಿನ್ನ ಎತ್ತರವ ಕಂಡು ಮೇಲೆ ಸಂತಸಪಟ್ಟು ಹರಸಿದರೂ ಮನದಲ್ಲೆ ಮರುಗುವವ ನಾನು!
ನೀ ನನ್ನ ಕಣ್ಣೆದುರಲ್ಲಿ ಬೆಳೆಯಬಾರದು!
ನೀ ನನಗಿಂತ ಮೇಲೇರಬಾರದು!
@ಪ್ರೇಮ್@
13.05.2019
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ