ಭಕ್ತಿಗೀತೆ- ರಾಮ ಕಾಯೋ

ರಾಮ ಕಾಯೋ..

ಬದುಕು ನಡೆಸೋ ಜ್ಞಾನ ನೀಡೋ

ಶ್ರೀ ರಾಮಚಂದ್ರ ನಿನ್ನದು

ಕರುಣೆ ನೀಡಿ ಕಾಯೋ ಮನದಿ

ಶಕ್ತಿ ತುಂಬಿ ನಿನ್ನದು...

ಎಲ್ಲೋ ಏನೋ ನನ್ನೆ ನಾನು

ಅರಿಯದೇನೆ ಇರುವೆನು

ಇಲ್ಲೇ ನಮ್ಮ ಜೊತೆಯಲ್ಲಿರುವ

ನಿನ್ನ ನಾನು ಮರೆಯೆನು..

ಸಿದ್ಧಿ ಬುದ್ಧಿ ನೀಡಿ ನಮಗೆ

ವೃದ್ಧಿಯನ್ನು ನೀಡೆಯಾ?

ಗೆದ್ದು ಬರುವ ಕಾರ್ಯವನ್ನು

ಮಾಡೆ ಮನವ ನೀಡೆಯಾ?

ಧೈರ್ಯ ರೀತಿ ನೀತಿ ಕೀರ್ತಿ ಭಕ್ತಿಯನ್ನು ಹೆಚ್ಚಿಸು

ಸ್ಥೈರ್ಯ ಸ್ಪೂರ್ತಿ ಶಾಂತಿ ಪ್ರೀತಿ

ಶಕ್ತಿಯನ್ನು ಮೆರೆಯಿಸು...

ಕೂಲಿಯಂತೆ ಕೆಲಸ ಮಾಡಿ

ರಾಜನಂಥ ಬದುಕು ನೀಡಿ

ಮನದ ಗುಡಿಯ ಶುದ್ಧ ಮಾಡಿ

ಸಹಾಯ ಮಾಡೋ ಗುಣವ ನೀಡಿ..

@ಪ್ರೇಮ್@

20.04.2021