ಒಂದು ರಾತ್ರಿ

ಒಂದು ರಾತ್ರಿ

ಬಂತು ಬಂತು ಮಳೆ ಬಂತು

ಜೊತೆಯಲಿ ಗಾಳಿಯನು ತಂತು 

ಹರಡಿದ ಬಟ್ಟೆಯು ಜಾರಿತು ಕೆಳಗೆ

ಬಿಡಿಸಿಟ್ಟ ಮಂದರಿ ಹಾರಿತು ಹೊರಗೆ

ಗುಡು ಗುಡು ಸಿಡಿಲು ಬಡಿಯುತಲಿರಲು

ಸುಡು ಸುಡು ಕಾಫಿಯ ಕುಡಿಯುತಲಿರಲು

ಬದಿಯಲಿ ಮಕ್ಕಳು ಕುಳಿತಿರಲು

ಗಡಿಗೆಯ ತುಂಬಾ ಗೆಣಸಿನ ಹೋಳು 

ಚಪ್ಪರಿಸಿ ತಿಂದರು ಎಲ್ಲಾ ಮಕ್ಕಳು

ಕಥೆಯನು ಹೇಳುತ ಅಜ್ಜಿಯೂ ನಕ್ಕಳು

ಕಥೆಯು ತಾ ಕೊನೆಯತ್ತ ಬಂತು

ಗೆಣಸಿನ ಹೋಳು ಮುಗಿದಾಯ್ತು

ಕಾಫಿಯ ಲೋಟವ ತೊಳೆದಾಯ್ತು

ಕರೆಂಟು ಹೋಗಿ ಟೈಮಾಯ್ತು 

ಮಲಗಲು ಸೆಕೆಯೂ ಬಿಡದಾಯ್ತು

ಬಾಗಿಲು ತೆಗೆಯಲು ಭಯವಾಯ್ತು

@ಹನಿಬಿಂದು@