ಭಾವಗೀತೆ - ಭಾರತಿಗೆ

ಭಾವಗೀತೆ - ಭಾರತಿಗೆ

ಬಾಗಿ ನಮಿಸುವೆ ಭವ್ಯ ಮಾತೆಗೆ 

ಭರತ ಭೂಮಿಯ ಒಡತಿಗೆ

ಭಾವ ತುಂಬಿದ ಹೃದಯ ಪದಗಳ

ಮುಡಿಸಿ ಆರತಿ ದೇವಿಗೆ//

ಭಕ್ತಿ ಯುಕ್ತಿ ಶಕ್ತಿ ಬೆರೆಸುತ 

ವಿಶ್ವ ಶಾಂತಿಯ ಬೇಡುವೆ

ಭವ್ಯ ಮನದಿ ಬೇನೆ ಕಳೆಯಲು

ನಿತ್ಯ ಭಜಿಸಿ ಹಾಡುವೆ//

ಜಾತಿ ನೀತಿ ಮರೆತು ಬಾಳಲು

ಪ್ರೀತಿ ಹೆಚ್ಚಲು ಕೋರುವೆ

ಸ್ಪೂರ್ತಿ  ಬದುಕನು ನೀಡು ಎನುತಲಿ

ರಾತ್ರಿ ಹಗಲು ಸ್ತುತಿಸುವೆ//

ನೀತಿ ನಿರ್ಮಲವಾಗಿ ಸೂಕ್ತಿಯು

ಸರ್ವರೆದೆಯನು ಮುಟ್ಟಲಿ

ಕೀರ್ತಿ  ಜಗದ ಮೂಲೆ ಮೂಲೆಗೂ

ಸರ್ವ ಸುಖವೂ ಹಬ್ಬಲಿ//

@ಹನಿಬಿಂದು@

27.02.2025