ಚಿಟ್ಟೆಯಾಗ ಬೇಕಿದೆ
ಚಿಟ್ಟೆಯಾಗಬೇಕಿದೆ ಮೈ ಮನಗಳಿಂದು
ಅಟ್ಟದ ಮೇಲೆ ನಡೆಯುತ ಬೆಂದು
ಕಷ್ಟದ ಹಾದಿಯ ತಿಳಿಯುತ ನಿಂದು
ಬೆಟ್ಟದ ಹಾಗೆ ಕಠಿಣ ಬದುಕ ಸಿಂಧು!
ಮೊಟ್ಟೆಯ ಹಾಕುವ ಕೋಳಿಯ ತೆರದಿ
ಕೆಟ್ಟರೂ ಸರಿ ಪಡಿಸುತ ಭವ ಭರದಿ
ಸುಟ್ಟರೂ ಭಾವವ ಅತ್ತಿತ್ತ ಮಂದಿ
ಜುಟ್ಟನು ಹಿಡಿದು ಜಗ್ಗಿದರೂ ಹಿಂಡಿ
ಪೆಟ್ಟನು ತಿನ್ನುವ ಶಿಲೆಗಳ ಹಾಗೆ
ಭಟ್ಟನು ಪೂಜಿಪ ಮೂರ್ತಿಯ ಹಾಗೆ
ರಟ್ಟೆಯ ಬಲವು ಉಡುಗುವವರೆಗೆ
ನೆಟ್ಟಗೆ ನಿಲ್ಲಲು ಶಕ್ತಿಯಿರುವವರೆಗೆ
ಕೆಟ್ಟರೂ ಕೆಡದ ಬಾಳಿನ ಕಡೆಗೆ
ದಿಟ್ಟಿಸಿ ನೋಡುತ ಭವಿಷ್ಯದೆಡೆಗೆ
ಉಟ್ಟ ಬಟ್ಟೆಯಲೇ ದುಡಿಯುವವಗೆ
ಪುಟ್ಟ ಕಂದನ ಆಸಕ್ತಿಯ ಹಾಗೆ
@ಹನಿಬಿಂದು@
10.03.2025
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ