ಕವನ-ಬಾಳ ಬಂಡಿ
ನಮ್ಮ ಬಾಳು ನಿತ್ಯ ಪಯಣ
ಓಡುತಿರುವ ರೈಲ ಯಾಣ
ಮುಟ್ಟುವೆವು ಹಲವು ತಾಣ
ಹಾಡುವೆವು ನಿತ್ಯ ಜೀವ ಗಾನ//
ಬಾಳಬಂಡಿ ನೂಕಬೇಕು
ಬರುವ ಕಷ್ಟ ಸಹಿಸ ಬೇಕು
ಸುಖವ ನೆನೆದು ಕುಣಿಯಬೇಕು
ನಾಳೆ ಚೆನ್ನಾಗಿದೆಯೆನುತ ಬಾಳಬೇಕು//
ಬದುಕ ಬಂಡಿ ಎಳೆಯುತ್ತಲಿ
ವಿವಿಧ ಜನರ ಕೂಡುತ್ತಲಿ
ನಮ್ಮ ಕಾರ್ಯ ಮೂಡುತ್ತಲಿ
ಕನಸ ಮಹಲು ಕಟ್ಟುತ್ತಲಿ//
ಮನದ ಬಯಕೆ ಅದುಮಿ ಇಟ್ಟು
ಸಿಕ್ಕಿದರಲ್ಲಿ ತೃಪ್ತಿಪಟ್ಟು
ನಾಳೆಗೆಂದು ಸ್ವಲ್ಪ ಇಟ್ಟು
ಬಾಳ ಬೇಕು ಕೋಪ-ಕಲಹ ಬಿಟ್ಟು//
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ