ಗಝಲ್
ನಿಮಗೇನುಳಿಯುತ್ತದೆ ಎಲ್ಲಾ ಮುಗಿದು ಹೋದ ಮೇಲೆ?
ನೀ ಹೇಗೆ ಬದುಕುವೆ ಎಲ್ಲಾ ಮುಗಿದು ಹೋದ ಮೇಲೆ?
ಮನುಜ ಪರಿಸರವ ಕಡಿದು ನಾಶಮಾಡಿ,
ಉಸಿರಾಡುವೆ ಹೇಗೆ ಗಾಳಿ ಎಲ್ಲಾ ಮುಗಿದು ಹೋದ ಮೇಲೆ?
ಮರ-ಗಿಡಗಳು ಸತ್ತು ಮಳೆ ಬರದಿರಲು,
ಕುಡಿಯುವೆ ಏನು ನೀರೆಲ್ಲಾ ಮುಗಿದು ಹೋದ ಮೇಲೆ?
ಇಳೆಗೆ ಪ್ಲಾಸ್ಟಿಕ್ ಬಿಸುಟು, ಮಣ್ಣನೆಲ್ಲ ಮಲಿನಗೊಳಿಸಿ,
ಬೆಳೆಯುವೆ ಏನು ಮಣ್ಣಿನ ಸತ್ವವೆಲ್ಲಾ ಮುಗಿದು ಹೋದ ಮೇಲೆ?
ದಿನನಿತ್ಯ ಕಾರು, ಬೈಕುಗಳ ಆಗಾಗ ಓಡಿಸಿ,
ಮತ್ತೆ ಹೇಗೆ ಆಫೀಸಿಗೆ ಹೋಗುವಿರಿ ಇಂಧನವೆಲ್ಲ ಮುಗಿದು ಹೋದ ಮೇಲೆ?
ಕೈ-ಕಾಲ ತುಂಡರಿಸೆ ಗಿಡ-ಮರಕೆಲ್ಲಿ ಶಕ್ತಿ?
ಮಳೆ-ಬೆಳೆ ಇರುವುದೇ ಕಾಡೆಲ್ಲ ಬರಿದಾಗಿ ಮುಗಿದು ಹೋದ ಮೇಲೆ?
ದಿನನಿತ್ಯ ಡಿಜೆ, ವಾಹನ-ಕಾರ್ಖಾನೆಗಳ ಸದ್ದು,
ಏನ ಕೇಳುವಿರಿ ಕಿವಿಯ ಕೇಳುವ ಶಕ್ತಿ ಎಲ್ಲ ಮುಗಿದು ಹೋದ ಮೇಲೆ..
@ಪ್ರೇಮ್@
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ